Batumelebi | ქედაში ადაპტირებულ ელექტრომიკროავტობუსს შეიძენენ – იაპონიის საელჩოს გრანტი ქედაში ადაპტირებულ ელექტრომიკროავტობუსს შეიძენენ – იაპონიის საელჩოს გრანტი – Batumelebi
RU | GE  

ქედაში ადაპტირებულ ელექტრომიკროავტობუსს შეიძენენ – იაპონიის საელჩოს გრანტი

ქედის მუნიციპალიტეტი იაპონიის საელჩოს „ადამიანის უსაფრთხოების საგრანტო კონკურსის“ ფარგლებში გრანტს მიიღებს და შშმ პირთათვის ადაპტირებულ ელექტრომიკროავტობუსს შეიძენს.

„ქედის მუნიციპალიტეტი გრანტს 77 235 აშშ დოლარის ოდენობით მიიღებს, რათა მუნიციპალიტეტმა განახორციელოს ინკლუზიური ელექტრომობილობა ქედის მუნიციპალიტეტში, რაც გულისხმობს დაბის ტერიტორიაზე მოქალაქეთა უსაფრთხო და ხელმისაწვდომი დაბალემისიური გადაადგილების უზრუნველყოფას.

პროექტის ბიუჯეტით შესყიდული იქნება უახლესი, შშმ პირთათვის ადაპტირებული ელექტრო მიკროავტობუსი. გათვალისწინებულია მუნიციპალიტეტის საკუითრებაში არსებულ მიწის ნაკვეთზე თანადაფინანსებით ელექტროავტობუსის გაჩერებისათვის ავტოფარეხის მშენებლობაც.

ელექტროავტობუსი მინიმალური დანახარჯების გათვალისწინებით განახორციელებს მგზავრთა უწყვეტ გადაადგილებას“ – აცხადებს ქედის მინიციპალიტეტის მერია.

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com