მთავარი,სიახლეები

როდის გადაიკეტება ბაგრატიონის ქუჩის ერთი მონაკვეთი ცალმხრივად

18.04.2021 • 1314
როდის გადაიკეტება ბაგრატიონის ქუჩის ერთი მონაკვეთი ცალმხრივად

ბათუმში ბაგრატიონის ქუჩა, ვაჟა-ფშაველასა და მელიქიშვილის ქუჩებს შორის, ამავე მიმართულებით, ცალმხრივად ორშაბათს, 19 აპრილს გადაიკეტება. ბაგრატიონის ქუჩის სრული რეაბილიტაციისთვის ხელშეკრულება კომპანია „ზიმო-7“-თან 8 646 623 ლარზეა გაფორმებული.

ბათუმის მერიამ რამდენიმე დღის წინ გაავრცელა ინფორმაცია, რომ ბაგრატიონის ქუჩის აღნიშნული მონაკვეთი 15 აპრილს გადაიკეტებოდა.

„ვინაიდან ახლოს იყო შაბათ-კვირა, გადავწყვიტეთ ქუჩის ეს მონაკვეთი 19 აპრილს გადავკეტოთ“ – უთხრეს „ბათუმელებს“ „ზიმო-7“-ში.

„ამ მონაკვეთში მოძრაობა 2 თვის განმავლობაში შეიზღუდება. შესაბამისად, აღნიშნულ მონაკვეთზე მოძრავი ავტობუსებისა და მიკროავტობუსების მარშრუტები დროებით შეიცვლება. გადაადგილება შესაძლებელი იქნება გურამიშვილისა და ჩოლოყაშვილის ქუჩებით“ – აცხადებს ბათუმის მერია.

ბაგრატიონის ქუჩის (შარტავას წრიულიდან ვაჟა-ფშაველას ქუჩამდე) რეაბილიტაცია, კომპანიასთან გაფორმებული ხელშეკრულების მიხედვით, ეტაპობრივად განხორციელდება და სამუშაოები 2022 წლის 15 ივნისამდე უნდა დასრულდეს.

ბაგრატიონის ქუჩა / 17.04.2021 / ამ ქუჩაზე, ვაჟა-ფშაველადან-მელიქიშვილის ქუჩამდე მონაკვეთში და ამავე მიმართულებით, მოძრაობა 19 აპრილიდან 2 თვით შეიზღუდება

ბაგრატიონის ქუჩა / 17.04.2021 / ბაგრატიონის და მელიქიშვილის ქუჩების კვეთა

ბაგრატიონის ქუჩა / 17.04.2021 / ამორტიზებული ფილების ნაცვლად ამ ქუჩაზე ბეტონის საფარი დაიგება


❗ ახალი სქემით სამ თვეზე მეტია ცალმხრივი გახდა გორგილაძისა და ჭავჭავაძის ქუჩების მონაკვეთები, მალე ცალმხრივი გახდება მოძრაობა გრიბოედოვის ქუჩაზეც: https://bit.ly/2RJBE29

❓ თქვენი აზრით, რა შეიცვალა ბათუმში მოძრაობის ახალი სქემით? – მიიღეთ მონაწილეობა „ბათუმელების“ გამოკითხვაში:

მოგვარდა თუ არა საცობების პრობლემა ბათუმში ახალი სქემით? | გამოკითხვა

გადაბეჭდვის წესი


ასევე: