18 აპრილის მდგომარეობით ბათუმში, ასევე ქობულეთისა და ხელვაჩაურის მუნიციპალიტეტებში, ბოლო პერიოდში კორონავირუსის შემთხვევების დაფიქსირების გამო, ჯამში 12 სკოლაა დახურული. ამავე მიზეზით დაიხურა 4 საბავშვო ბაღიც.
აჭარის საზოგადოებრივი ჯანდაცვის ცენტრის ინფორმაციით, კოვიდის გამო, ბათუმსა და აღნიშნულ მუნიციპალიტეტებში სხვადასხვა სკოლის 25 კლასია გადასული ონლაინსწავლებაზე .
„ეს კლასები არა 25 სკოლაში, არამედ, ზოგ სკოლაში რამდენიმე კლასია დახურული. განახლებულ მონაცემებს ორშაბათიდან გავავრცელებთ“ – გვითხრეს ჯანდაცვის ცენტრში.
საქართველოს განათლების სამინისტროს განცხადებით, ქვეყანაში ინფიცირებულთა გაზრდილი მაჩვენებელი სკოლებში არსებულ ვითარებაზეც აისახა, თუმცა ზოგადსაგანმანათლებლო დაწესებულებებში ვითარება კონტროლს სრულად ექვემდებარება.
მათივე ცნობით, მიმდინარე კვირაში, სკოლებში ინფიცირების მაჩვენებელი გაზრდილია:
https://netgazeti.ge/news/536021/