აჭარის ტურიზმისა და კურორტების დეპარტამენტი 2021 წლის აპრილიდან დეკემბრის ჩათვლით, სხვადასხვა ღონისძიებებსა და მომსახურებაში 1 384 000 ლარის დახარჯვას ტენდერის გარეშე გეგმავს. ამ მიზნით, დეპარტამენტმა თანხმობისთვის უკვე მიმართა შესყიდვების სააგენტოს.
დეპარტამენტის გადაწყვეტილებით, „სახელმწიფოებრივი და საზოგადოებრივი მნიშვნელობის ღონისძიებების შეზღუდულ ვადებში შეუფერხებლად ჩატარების მიზნით“, გამარტივებული შესყიდვის საშუალებით უნდა განხორციელდეს მომსახურებები, რომლებიც დაკავშირებულია:
- „აჭარის რეგიონის პოპულარიზაციის მიზნით როგორც საერთაშორისო, ასევე ადგილობრივ ბაზარზე სარეკლამო პიარ კამპანიისა და ღონისძიებების ორგანიზებასთან;
- საერთაშორისო ტურისტულ გამოფენებში, კონფერენციებში, სემინარებში, ფესტივალებსა და სამუშაო შეხვედრებში მონაწილეობასთან; ასევე აჭარის რეგიონის ტურისტული შესაძლებლობების წარმოჩენის მიზნით საზღვარგარეთის ქვეყნებში პრეზენტაციებისა და სხვა სამუშაო შეხვედრების ჩატარებასთან;
- მაღალი რეზოლუციის, დადგმული, ექსკლუზიური სარეკლამო ფოტო მასალის დამზადებასთან;
- ტურიზმის სექტორში დასაქმებულთათვის სხვადასხვა ღონისძიების ორგანიზებასთან, საინფორმაციო ბროშურების (მათ შორის, გიდების სახელმძღვანელოების, საოჯახო სასტუმრო სახლების სარეკომენდაციო სტანდარტების სახელმძღვანელოს) და სერვისის
განვითარებისათვის ვიდეოგაკვეთილების (ვიდეორგოლების) მომზადებასთან“.
საქონლისა და მომსახურების სრული ჩამონათვალი და ღირებულება ნახეთ აქ
„დეპარტამენტის ძირითადი საქმიანობებიდან, პანდემიის პრევენციის ღონისძიებების (საკარანტინე ზონების მართვა) გარდა, მიმდინარე წლის პრიორიტეტებად კვლავ რჩება რეგიონის პოპულარიზაცია და მარკეტინგი როგორც საერთაშორისო ბაზრებზე, ასევე ადგილობრივ ბაზარზე და სერვისებისა და ტურისტული პროდუქტების განვითარება. დეპარტამენტი მიმდინარე წელს აგრძელებს მუშაობას შემდეგ პრიორიტეტულ მიმართულებებზე:
აჭარის რეგიონის პოპულარიზაცია და მარკეტინგი სამიზნე ქვეყნებში სხვადასხვა სარეკლამო, პიარ და მარკეტინგულ აქტივობების მეშვეობით. ძირითადი სარეკლამო და მარკეტინგული არხები გახლავთ სატელევიზიო რეკლამა, ინტერნეტ რეკლამა და გარე რეკლამა, რომელიც მოიცავს ბეჭდური მედიისა და სხვა სარეკლამო საშუალებებით რეგიონის რეკლამირებას.
საერთაშორისო ტურისტულ გამოფენებში, კონფერენციებში, სემინარებში, ფესტივალებსა და სამუშაო შეხვედრებში ფიზიკურად და ონლაინ (ეპიდემიოლოგიური სიტუაციის გამო შეცვლილი ფორმატის გათვალისწინებით) მონაწილეობა, ასევე აჭარის რეგიონის ტურისტული შესაძლებლობების წარმოჩენის და პოპულარიზაციის მიზნით საზღვარგარეთის ქვეყნებში პრეზენტაციებისა და სხვა სამუშაო შეხვედრების ორგანიზება.
შიდა ტურიზმის პოპულარიზაცია და სტიმულირება სხვადასხვა სარეკლამო საშუალებით, სპეციალური პიარ-მარკეტინგული ღონისძიებითა და ქართულ სეგმენტზე მორგებული აქტივობების ორგანიზებით.
მაღალი რეზოლუციის, დადგმული, ექსკლუზიური, საერთაშორისო მოთხოვნების შესაბამისი, სარეკლამო ფოტო მასალის დამზადება საერთაშორისო მარკეტინგული კამპანიების წარმოებისათვის.
ტურიზმის სექტორში დასაქმებულთათვის სხვადასხვა აქტივობისა და ღონისძიების ორგანიზება მომსახურების ხარისხის ამაღლების კუთხით“, – აღნიშნულია დეპარტამენტის განაცხადში.
—
2021 წლის პირველი თებერვლიდან საქართველოში საჰაერო გზით შემოსვლა შეუძლია „ნებისმიერი ქვეყნიდან ნებისმიერი ქვეყნის მოქალაქეს, რომელიც საზღვარზე წარადგენს ნებისმიერი ტიპის კოვიდვაქცინის სრული კურსის [ორი დოზა, ხოლო johnson&Johnson-ის ვაქცინაციის შემთხვევაში – ერთი დოზა] დამადასტურებელ დოკუმენტს“
საქართველოში შემოსვლა ზოგიერთი ქვეყნის მოქალაქეებს PCR ტესტის საფუძველზეც შეუძლიათ.
ამ ქვეყნების ჩამონათვალი ნახეთ ბმულზე:
თურქეთში დროებით დასაქმების მსურველებს ხელახალი რეგისტრაცია შეუძლიათ
