Batumelebi | რას იხდის ვაქცინებში საქართვლო – ფაიზერი, ასტრაზენეკა და სინოფარმი რას იხდის ვაქცინებში საქართვლო – ფაიზერი, ასტრაზენეკა და სინოფარმი – Batumelebi
RU | GE  

რას იხდის ვაქცინებში საქართვლო – ფაიზერი, ასტრაზენეკა და სინოფარმი

დღეს, 1-ელ აპრილს, დაავადებათა კონტროლისა და საზოგადოებრივი ჯანმრთელობის ეროვნული ცენტრის სპეციალურ ბრიფინგზე, ცენტრის ხელმძღვანელმა, ამირან გამყრელიძემ საქართველოში შემოსული ვაქცინების ფასებზე ისაუბრა და აღნიშნა, რომ საქართველოს ყველაზე ძვირი, ამ ეტაპზე, ჩინური ვაქცინა უჯდება, რადგან ფაიზერი და ასტრაზენეკა კოვაქსის პროექტის ფარგლებში, არასაბაზრო ფასით არის შეძენილი.

ამირან გამყრელიძე: „ასტრაზენეკა კოვაქსის საშუალებით ვიყიდეთ, სადაც ფასი ყოველთვის სხვაა ჩვეულებრივ საბაზრო ფასთან მიმართებაში, ვიყიდეთ სადღაც 4-5 დოლარის ფარგლებში. ფაიზერიც ასევე კოვაქსის საშუალებით შემოვიდა არასაბაზრო ფასში და 11-12 დოლარის ფარგლებში. ჩინური ვაქცინა სინოფარმი, რომელსაც ვყიდულობთ უფრო ძვირია, სადღაც 19-20 დოლარის ფარგლებშია. მაგრამ, ამავე დროს, არის მერე დონაცია სხვა ჩინური ვაქცინის, რომელიც უფასოდ ეძლევა ქვეყანას და ასევე თუ იქნა მეორედ და მესამედ მოწოდება, იქ გათვალისწინებული იქნება ეს ფასები. დარწმუნებული ვარ, ჩინური ვაქცინის საბოლოო ფასი არ იქნება დიდად განსხვავებული, სხვა ჩვენს მიერ შეძენილი ვაქცინებისგან”.

„კოვაქს“ პლატფორმა მსოფლიო ჯანდაცვის ორგანიზაციის, ვაქცინების გლობალური ალიანსის, მთავრობების, მეცნიერების, სამოქალაქო საზოგადოებისა თუ და სხვა საერთაშორისო ორგანიზაციების ინიციატივაა, რომლის მიზანია ვაქცინებზე წვდომა უზრუნველჰყონ ღარიბი ქვეყნებსთვისაც.

ნეტგაზეთის მასალების სხვა გამოცემებში გადაბეჭდვის წესი
ავტორი
ია ფრანგიშვილი არის გაზეთ "ბათუმელების" რეპორტიორი 2014 წლიდან