Batumelebi | ბათუმის მერია: სამსახურები მუშაობას საგანგებო რეჟიმში განაგრძობენ ბათუმის მერია: სამსახურები მუშაობას საგანგებო რეჟიმში განაგრძობენ – Batumelebi
RU | GE  

ბათუმის მერია: სამსახურები მუშაობას საგანგებო რეჟიმში განაგრძობენ

ბათუმის მერიის ინფორმაციით, მერიის სამსახურები, ბათუმში მოსული უხვი ნალექის გამო, მუშაობას საგანგებო რეჟიმში განაგრძობენ. მთელი ღამის განმავლობაში, ინტენსიურად გაგრძელდება გზის გაწმენდითი სამუშაოები. მობილიზებულია მძიმე ტექნიკა, იწმინდება სამანქანე გზები, იყრება ტექნიკური მარილი.

მერიის ინფორმაციით ამ დროისათვის, ბათუმში, სატრანსპორტო საშუალებებით გადაადგილება შეუფერხებლად არის შესაძლებელი. ამასთან, 24-საათიან რეჟიმში მუშაობს ბათუმის მერიის ცხელი ხაზი – 27 26 09; 24 22 22

შპს „სანდასუფთავების“ წარმომადგენლის ირაკლი თედორაძის განცხადებით, დღის განმავლობაში მხოლოდ ქალაქის ცენტრალური ნაწილში იწმინდებოდა ქუჩები თოვლისგან.

მერიის განცხადებით პრობლემური რჩება ჭაობის დასახლება [ასევე პუშკინისა და ყოფილი შაუმიანის ქუჩები]. აქ ვერ ხერხდება გაწმენდითი სამუშაოები, ვინაიდან გზების რეაბილიტაცია მიმდინარეობს.

დიდთოვლობა

დიდთოვლობა

ბათუმი, 25.01.2016. „ბათუმელების" ფოტოები

ბათუმი, 25.01.2016. „ბათუმელების” ფოტოები

ნეტგაზეთის მასალების სხვა გამოცემებში გადაბეჭდვის წესი
ავტორი
თედო ჯორბენაძე, ჟურნალისტი მობ.: 599 139 412 ელ/ფოსტა: tedobatumi@gmail.com