Batumelebi | აშშ-ის სენატმა შინაგან საქმეთა მდივნის პოსტზე მკვიდრი ამერიკელი დაამტკიცა — ისტორიული ნაბიჯი აშშ-ის სენატმა შინაგან საქმეთა მდივნის პოსტზე მკვიდრი ამერიკელი დაამტკიცა — ისტორიული ნაბიჯი – Batumelebi
RU | GE  

აშშ-ის სენატმა შინაგან საქმეთა მდივნის პოსტზე მკვიდრი ამერიკელი დაამტკიცა — ისტორიული ნაბიჯი

აშშ-ის სენატმა ბაიდენის ადმინისტრაციის შინაგან საქმეთა მდივნის პოსტზე დაამტკიცა დებრა ჰაალენდი, რომელიც ამერიკის მკვიდრი პირველი ქალი იქნება ამ პოსტზე. ამერიკული მედია ჰაალენდის მიერ პოსტზე დამტკიცებას ისტორიულ ნაბიჯს უწოდებს.

მედია წერს, რომ ეს არ არის პირველი შემთხვევა, როცა ჰაალენდმა ისტორია შეცვალა. 2018 წელს იგი იყო ამერიკის მკვიდრი მოსახლე ორი ქალიდან ერთ-ერთი, რომელიც კონგრესში აირჩიეს.

დებრა ჰაალენდი 60 წლისაა. იგი შტატებში არსებული 574 ტომიდან ერთ-ერთს, ლაგუნა პუებლოს წარმომადგენელია.

ჰაალენდი უხელმძღვანელებს 70 000-მდე თანამშრომელს, მისი სამსახური მართავს ნაციონალურ პარკებს, ნაკრძალებს და ისეთ ბუნებრივ რესურსებს, როგორიცაა წყალი და ნავთობი. დებრა ჰაალენდი ასევე პასუხისმგებელი პირი იქნება გარემოს დაცვით საკითხებსა და მთავრობის მხრიდან ამერიკის მკვიდრ ტომებთან ურთიერთობისას.

„გარდიანის“ ცნობით, 2020 წლის მონაცემებით, ამერიკელი ინდიელები აშშ-ის მოსახლეობის დაახლოებით 2 პროცენტს შეადგენენ.

_______________

ფოტო: worldoil.com 

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com