სენაკში ო.ბ.-მ დედას ორლულიანი თოფით, ახლო მანძილიდან ესროლა იმიტომ, რომ ის ქალია. ეს პროკურატურის ვერსიაა. შემთხვევაა 29 იანვარს მოხდა.
პროკურატურა ბრალდებულს გენდერის ნიშნით შეუწყნარებლობის მოტივით ოჯახის წევრის მიმართ ჩადენილი მკვლელობის მცდელობას ედავება. გამოძიების ვერსიით, გასროლის შედეგად ქალს სხეულის სხვადასხვა არეში სიცოცხლისთვის სახიფათო ჭრილობები აქვს. სამედიცინო დახმარების შედეგად ქალს სიცოცხლე შეუნარჩუნდა.
ბრალდებულს სენაკის სასამართლომ უკვე შეუფარდა აღკვეთი ღონისძიების სახით პატიმრობა. ბრალის დადასტურების შემთხვევაში, მას 13-დან 17 წლამდე თავისუფლების აღკვეთა ელის.
