Batumelebi | H1N1 ვირუსისგან პრევენცია ბათუმის საბავშვო ბაღებში H1N1 ვირუსისგან პრევენცია ბათუმის საბავშვო ბაღებში – Batumelebi
RU | GE  

H1N1 ვირუსისგან პრევენცია ბათუმის საბავშვო ბაღებში

H1N1 ტიპის ვირუსისგან პრევენციის მიზნით ბათუმის საბავშვო ბაღებში გატარებულია შესაბამისი ღონისძიებები. ყველა საბავშვო ბაღში შეტანილია სადეზინფექციო სითხე, ხდება ოთახების ხშირი განიავება, აღსაზრდელებს ხშირად ბანენ ხელებს. გაციებული თანამშრომლები და აღსაზრდელები ბაღებში არ დაიშვებიან. აღნიშნული ინფორმაცია ქალაქ ბათუმის მერიამ გაავრცელა.

აჭარის ჯანდაცვის სამინისტროს ინფორმაციით, აჭარაში H1N1-ის ოთხი შემთხვევა ლაბორატორიულად დადასტურდა, 17 პაციენტის მონაცემები კი თბილისშია გადაგზავნილი და შედეგები ჯერ ცნობილი არ არის.

საქართველოს დაავადებათა კონტროლის ეროვნული ცენტრის ინფორმაციით, გრიპის შემთხვევათა მატების ეტაპზე მნიშვნელოვანია, განსაკუთრებული სიფრთხილე გამოიჩინონ ორსულებმა და ქრონიკული დაავადებების მქონე პირებმა.

 

ნეტგაზეთის მასალების სხვა გამოცემებში გადაბეჭდვის წესი
ავტორი
გაზეთი "ბათუმელები" გამოდის 2001 წლიდან.