Batumelebi | “დატოვოს კომპანიამ რიონის ხეობა” – ათასობით ადამიანი ხელისუფლებას 2 კვირის ვადას აძლევს “დატოვოს კომპანიამ რიონის ხეობა” – ათასობით ადამიანი ხელისუფლებას 2 კვირის ვადას აძლევს – Batumelebi
RU | GE  

“დატოვოს კომპანიამ რიონის ხეობა” – ათასობით ადამიანი ხელისუფლებას 2 კვირის ვადას აძლევს

ქუთაისის ცენტრალურ მოედანზე მდინარე რიონის ხეობაში ნამახვანი ჰესის მშენებლობის წინააღმდეგ საპროტესტო აქცია იმართება. ათასობით ადამიანი ქალაქის  ცენტრალურ მოედანზეა შეკრებილი და მთავრობისგან ითხოვს, შეაჩეროს ჰესის მშენებლობა.

აქციის ერთ-ერთმა ორგანიზატორმა, ვარლამ გოლეთიანმა, აქციაზე სიტყვით გამოსვლისას თქვა, რომ თუკი კომპანია “ენკა რინიუებლზი”, რომელიც რიონის ხეობაში ჰესის მოსამზადებელ სამუშაოებს აწარმოებს, ორი კვირის ვადაში არ დატოვებს რიონის ხეობას, მოსახლეობა ქალაქ ქუთაისის პიკეტირებას მოაწყობს.

„ჩვენი მიზანი არის ის, რომ ხეობა, რომელიც არის ჩვენი, ყველას საკუთრება, ისე გადასცეს ინვესტორს, რომ ხალხმა არაფერი იცოდა. თუ ეს არის მნიშვნელოვანი ქვეყნისთვის, თუ არის მნიშვნელოვანი ენერგოდამოუკიდებლობისათვის, რატომ დაუმალეს ხალხს? “- დასვა კითხვა ვარლამ გოლეთიანმა.

ვარლამ გოლეთიანი აქციაზე ფოტო: მარიამ მუთიძე/ბათუმელები

მან საპროტესტო აქციის მონაწილეთა მოთხოვნები გაახმოვანა. ხეობის მცხოვრებლები ითხოვენ შეაჩეროს სამუშაოები და დატოვოს რიონის ხეობა კომპანია “ენკა რინიუებლზმა”.

„ორი კვირის ვადაში დავთქვამთ ფართომასშტაბიან შეკრებას, როგორც  დღეს ვართ. ჩვენ მოვაწყობთ ქალაქის პიკეტირებას. დავაყენებთ მანქანებს და წავალთ სახლებში. ნუ გვაიძულებენ ამას, ვერ გადაგვაჭარბებენ ძალით. იმიტომ, რომ უკვე ბევრი ვართ და უკვე გვაქვს ჩვენ ამის შესაძლებლობა,” – თქვა ვარლამ გოლეთიანმა აქციაზე სიტყვით გამოსვლისას.

საპროტესტო აქცია ქუთაისში ფოტო: მარიამ მუთიძე/ბათუმელები

საპროტესტო აქცია ქუთაისში ფოტო: მარიამ მუთიძე/ბათუმელები

საპროტესტო აქცია ქუთაისში

 

ნეტგაზეთის მასალების სხვა გამოცემებში გადაბეჭდვის წესი
ავტორი