ბათუმში მუნიციპალური ავტობუსები და სამარშრუტო მიკროავტობუსები შაბათ-კვირასაც იმოძრავებენ. საქართველოს მთავრობის ინფორმაციით, შაბათ-კვირას მუნიციპალური ტრანსპორტის მოძრაობის განახლებაზე გადაწყვეტილება დღეს, 24 თებერვალს, საკოორდინაციო საბჭომ მიიღო.
ბათუმში მუნიციპალური ავტობუსები დილის 7 საათიდან საღამოს 9 საათამდე მოძრაობენ, მიკროავტობუსები კი – საღამოს 8 საათამდე, ვინაიდან ძალაში რჩება კომენდანტის საათი [გადაადგილების აკრძალვა საღამოს 9 საათიდან დილის 5 საათამდე].
საკოორდინაციო საბჭოს გადაწყვეტილებით, 25 თებერვლიდან განახლდება საქალაქთაშორისო ტრანსპორტის მოძრაობაც [მთავრობის ინფორმაციით შაბათ-კვირისჩათვლითაც], მათ შორის სარკინიგზო მიმოსვლაც.
ამავე თემაზე:
1-ლი თებერვლიდან აღდგება ტრანსპორტისა და სავაჭრო ცენტრების მუშაობა
