განათლების მინისტრის ბრძანებით, სკოლებს განესაზღვრათ პირველ კლასში მისაღები სსმ ბავშვების კონტინგენტი.
ბრძანების მიხედვით, საჯარო სკოლის პირველ კლასში ჩასარიცხ მოსწავლეთა რიცხოვნობას, სექტორების, ცვლებისა და სასწავლო შენობების მიხედვით, საჯარო სკოლის დირექტორის ინდივიდუალური ადმინისტრაციულ-სამართლებრივი აქტით განსაზღვრავს შესაბამისი საჯარო სკოლა, რომელიც ვალდებულია პირველ კლასში ჩასარიცხ მოსწავლეთა ჯამური რაოდენობის 10% განსაზღვროს სპეციალური საგანმანათლებლო საჭიროების მქონე მოსწავლეებისათვის.
სკოლამ უნდა უზრუნველყოს სპეციალური საგანმანათლებლო საჭიროების მქონე მოსწავლეების პროპორციულად გადანაწილება პარალელურ კლასებში. რიცხოვნობის განსაზღვრისას დამრგვალება ხორციელდება სპეციალური საგანმანათლებლო საჭიროების მქონე მოსწავლეთა სასარგებლოდ,“- ნათქვამია მინისტრის ბრძანებაში, რომელიც გუშინ, 23 თებერვალს, გამოქვეყნდა.
ამავე ბრძანების მიხედვით, სსმ ბავშვების სკოლის პირველ კლასში ჩასარიცხი რიცხოვნობის განსაზღვრის ვადები დგინდება სამინისტროს მიერ, ინდივიდუალური ადმინისტრაციულ-სამართლებრივი აქტით.
„საჯარო სკოლა ვალდებულია პირველ კლასში ჩასარიცხ მოსწავლეთა, მათ შორის, სსმ მოსწავლეთა რიცხოვნობის შესახებ მონაცემები ასახოს ზოგადსაგანმანათლებლო დაწესებულებათა მართვის საინფორმაციო სისტემაში, განსაზღვრული დროის ფარგლებში“.
