Batumelebi | პარიზში აპროტესტებენ მერიაში თანამშრომლის დაბრუნებას, რომელიც მოძალადის მხარდამჭერი იყო პარიზში აპროტესტებენ მერიაში თანამშრომლის დაბრუნებას, რომელიც მოძალადის მხარდამჭერი იყო – Batumelebi
RU | GE  

პარიზში აპროტესტებენ მერიაში თანამშრომლის დაბრუნებას, რომელიც მოძალადის მხარდამჭერი იყო

2020 წლის 23 ივლისს პარიზში ფემინისტებმა საპროტესტო აქცია გამართეს ქალაქის მერიასთან. დემონსტრანტები ითხოვდნენ ჩამოშორებოდა პოსტს ქალაქის მერის თანაშემწე კულტურის მიმართულებით კრისტოფ ჟირარი, რადგან წარსულში ის მხარს უჭერდა ბავშვებზე სექსუალურ ძალადობაში დადანაშაულებულ მწერალს, გაბრიელ მაცნეფს. დემონსტრაციის შემდეგ კრისტოფ ჟირარი მართლაც ჩამოაშორეს თანამდებობდას, თუმცა თითქმის ერთი წლის შემდეგ, ახლა ის აპირებს დაბრუნდეს მერიაში რიგითი მრჩევლის პოზიციაზე.

მერიაში მისი დაბრუნების მცდელობას პროტესტი მოჰყვა.

ამ თემაზე ქალაქის საბჭომ უნდა იმსჯელოს. საბჭო ქალაქის მოსახლეობის მიერაა არჩეული და მოუწოდებს პარიზის მერს, ან იდალგოს, უფრო ეფექტურად აამოქმედოს საკუთარი მექანიზმები იმ პირობებში, როცა ბოლო თვეების განმავლობაში ქალაქში გაზრდილია ძალადობის ფაქტები.

ან იდალგო ფემინისტ მმართველადაა მიჩნეული.

მერის ყოფილი თანაშემწე, კრისტოფ ჟირარი, მართალია, თავად ოფიციალურად არ ყოფილა დადანაშაულებული ძალადობაში, მაგრამ ის ამართლებდა მოზარდებზე სექსუალურ ძალადობაში ბრალდებულ გაბრიელ მანცენს, რომელიც საკუთარ წიგნებში ღიად წერდა სექსუალურ ტურიზმსა და პედოფილურ გამოცდილებაზე.

28 იანვარს კრისტოფ ჟირარი სოციალისტებმა საკუთარი რიგებიდან გარიცხეს.

ფემინისტი აქტივისტები პარიზის მერიასთან საპროტესტო აქციის გამართვას გეგმავენ, რათა მოითხოვონ მერიიდან ჟირარის სამუდამოდ დათხოვნა.

___

მთავარი ფოტო: le monde/კრისტოფ ჟირარი

ნეტგაზეთის მასალების სხვა გამოცემებში გადაბეჭდვის წესი
ავტორი
თამარ ნერგაძე არის "ბათუმელების" რეპორტიორი 2017 წლის ოქტომბრიდან. ტელ.: 568 81 41 75 / E-mail.: tamarnergadze123@gmail.com