მთავარი,სიახლეები

ბათუმის მუნიციპალური ავტობუსების მარშრუტები და მოძრაობის გრაფიკი

01.02.2021 • 6633
ბათუმის მუნიციპალური ავტობუსების მარშრუტები და მოძრაობის გრაფიკი

მუნიციპალური ავტობუსების მარშრუტებში ერთადერთი ცვლილება, რაც ბათუმში მოძრაობის ახალმა სქემამ გამოიწვია, არის N11 ხაზზე. ამ ნომრით მოძრავი მუნიციპალური ავტობუსები აღარ ივლიან პუშკინის ქუჩაზე, ამ ქუჩის ნაწილობრივ გაცალმხრივების გამო. N11 ავტობუსი პუშკინის ნაცვლად გიორგი ბრწყინვალის ქუჩაზე იმოძრავებს.

მუნიციპალური ავტობუსების მოძრაობა ბათუმში 1-ლი თებერვლიდან აღდგა. თუმცა საკოორდინაციო საბჭოს გადაწყვეტილებით, პანდემიის პრევენციის მიზნით, ავტობუსები არ ივლიან შაბათ-კვირას. ამასთან, ბათუმში მუნიციპალური ავტობუსები დილის 7 საათიდან საღამოს 9 საათამდე იმოძრავებენ.

[ბათუმში 1-ლი თებერვლიდან სამარშრუტო მიკროავტობუსების მოძრაობაც აღდგა, რომლებიც დილის 8 საათიდან საღამოს 8 საათამდე იმუშავებენ შაბათ-კვირის გარდა].

ბათუმის მუნიციპალური ავტობუსების ზუსტი მარშრუტი და ავტობუსებს შორის ინტერვალის დრო შეგიძლიათ იხილოთ ქვემოთ, ცხრილში. ასევე შეგიძლიათ ნახოთ, თუ რა დროს გამოდის საღამოს ავტობუსი ბოლო პუნქტიდან.

რამდენიმე ავტობუსი ბათუმში წრეზე მოძრაობს, თუმცა, მაგალითად, N13 ელექტროავტობუსი, რომელიც ორბელიანის ქუჩიდან გამოდის, ბრუნდება საბაგიროსთან, შესაბამისად, საღამოს, ეს ავტობუსი საბაგიროდან [ჭავჭავაძის ქუჩიდან] ბოლოს გავა დაახლოებით 20:27 საათზე.

N2ა ავტობუსი კი, რომელიც ახალშენიდან ადლიის ქუჩამდე მონაკვეთში მოძრაობს, ახალშენიდან საღამოს, ბოლოს გამოვა დაახლოებით 19:32 საათზე.

N12 ავტობუსი კი ხელვაჩაურიდან საღამოს, ბოლოს დაახლოებით 19:47 საათზე გამოვა.

მოქმედი რეგულაციებით:

  • მუნიციპალურ ავტობუსებსა და მიკროავტობუსებში მგზავრობისას სავალდებულოა პირბადის ტარება.
  • აკრძალულია ფეხზე მდგომი მგზავრის გადაყვანა.
  • აკრძალულია მძღოლის გვერდით წინა სავარძლით სარგებლობა.
  • ავტობუსებში მძღოლის კაბინასთან, მგზავრებისგან დისტანცირების უზრუნველსაყოფად, მოწყობილი იქნება ბარიერები.
  • მუნიციპალური ტრანსპორტი შაბათ-კვირას არ იმუშავებს.

მერიის ინფორმაციით, ყველა მუნიციპალურ ავტობუსში განთავსებული იქნება სადეზინფექციო სითხის დისპენსერები, ხოლო ახალ ელექტროავტობუსებში სპეციალური აპარატებით განხორციელდება მგზავრთა ავტომატური თერმოსკრინინგი.

მუნიციპალურ ავტობუსებსა და მიკროავტობუსებს დეზინფექცია ყოველდღიურად ჩაუტარდება.

ბათუმი, 1 თებერვალი, 2021

ბათუმში 2020 წლის 15 დეკემბრიდან რამდენიმე ქუჩაზე მოძრაობის წესები შეიცვალა. მუნიციპალური ავტობუსებისთვის გარკვეულ ქუჩებზე სპეციალური სავალი ნაწილი [ე.წ. Bus lane] მოინიშნა – ამ ზოლში ავტობუსების გარდა დაშვებულია მხოლოდ ველოსიპედების მოძრაობა.

ამავე თემაზე:

მგზავრის ფეხზედგომით გადაყვანისთვის ჯარიმა 100 ლარია – განახლებული რეგულაციები

 

 

გადაბეჭდვის წესი


ასევე: