ქედაში, სოფელ გუნდაურისა და ჭალათის დამაკავშირებელ გზაზე, მეწყერი ჩამოწვა, რის გამოც შეფერხებულია სოფლებთან მიმოსვლა. მეწყრის შედეგად დაზიანდა ელექტროენერგიის გადამცემი ხაზებიც. ელექტროენერგია არ მიეწოდება 40 აბონენტს.
აჭარის საავტომობილო გზების დეპარტამენტის განმარტებით, მიმდინარეობს გეოლოგიური სამსახურის მიერ ადგილმდებარეობის შესწავლა და შესაბამისი დასკვნის საფუძველზე დაიწყება გზის გაწმენდითი სამუშაოები.
„მანამდე კი, ადგილობრივებს შესაძლებლობა აქვთ შემოვლითი გუნდაური-სიხალიძეების საავტომობილო გზით ისარგებლონ“-აცხადებენ დეპარტამენტში.