2021 წლის პირველი თებერვლიდან საქართველოში კორონავირუსის პანდემიის გამო დაწესებული შეზღუდვების ნაწილი მოიხსნა.
კერძოდ, ბათუმსა და აჭარაში:
- აღდგა მუნიციპალური ტრანსპორტისა და სამარშრუტო ტაქსების მოძრაობა
- სასწავლო პროცესი გაგრძელდება სკოლის შენობებში
- გაიხსნა მაღაზიები
- მუშაობას განაახლებენ მოლები
- გაიხსნა ღია კაფეები
აღნიშნული შეზღუდვები პირველი თებერვლიდან მოიხსნა ბათუმში, ზუგდიდში, გორში, ფოთსა და თელავში.
თებერვლის განმავლობაში, ყოველ შაბათ-კვირას არ იმუშავებს მუნიციპალური ტრანსპორტი, ხოლო რესტორნები, კვების ობიექტები და მაღაზიები იმუშავებენ მხოლოდ გადატანა-მიტანის სერვისით.
ძალაში რჩება შემდეგი შეზღუდვები:
- არ უქმდება კომენდანტის საათი. საღამოს 9 საათიდან დილის 5 საათამდე გადაადგილება აკრძალულია.
- არ აღდგება საქალაქთაშორისო ტრანსპორტის მოძრაობა.
- მუშაობას ვერ განაახლებენ სარიტუალო დარბაზები, შესაბამისად შეზღუდვა ქორწილსა და ქელეხზე ძალაშია.
- არ გაიხსნება საბავშვო ბაღები.
- არ განაახლებენ შენობაში სწავლების პროცესს პროფესიული და უმაღლესი სასწავლებლები.
მთავრობის ცნობით, ღია და დახურული ბაზრობები [გარდა აგრარული ბაზრებისა, რომლებიც ამჟამადაც მუშაობენ] გაიხსნება 15 თებერვლიდან. გარდა ამისა, მთავრობა შეზღუდვების შემსუბუქებას, ხელსაყრელი ეპიდემიოლოგიური ვითარების შემთხვევაში, პირველი მარტიდან აანონსებს.
ძალაში რჩება ნიღბის ტარებისა და დისტანციის დაცვის, როგორც კორონავირუსისგან თავდაცვის ეფექტური საშუალების რეკომენდაცია.
