Batumelebi | დაკავებულია 2 პირი – TV პირველის მიკროფონის გატაცებაში ბრალდებულებს 5-8 წელი პატიმრობა ელით დაკავებულია 2 პირი – TV პირველის მიკროფონის გატაცებაში ბრალდებულებს 5-8 წელი პატიმრობა ელით – Batumelebi
RU | GE  

დაკავებულია 2 პირი – TV პირველის მიკროფონის გატაცებაში ბრალდებულებს 5-8 წელი პატიმრობა ელით

შინაგან საქმეთა სამინისტროს ინფორმაციით, დაკავებულია ორი პირი, რომლებმაც „TV პირველის“ ოპერატორებს მიკროფონი წაართვეს. შემთხვევა დღეს მოხდა თბილისში და ბრალის დადასტურების შემთხვევაში ბრალდებულებს 5-დან 8 წლამდე ვადით თავისუფლების აღკვეთა ელით.

„გამოძიებით დადგინდა, რომ ბრალდებულებმა ტელეკომპანია „TV პირველის“ ოპერატორებს: 1999 წელს დაბადებულ გ.შ.-სა და 1999 წელს დაბადებულ ბ.ქ.-ს „TV პირველის” კუთვნილი მიკროფონი გასტაცეს და შემთხვევის ადგილიდან მიიმალნენ.

პოლიციამ ორი პირი – 1993 წელს დაბადებული ფ.მ. და 1994 წელს დაბადებული, წარსულში ნასამართლევი კ.კ. თბილისში, ცხელ კვალზე დააკავა“, – აცხადებს შსს.

გამოძიება სსკ-ის 178-ე მუხლით, ჯგუფურად ჩადენილი ძარცვის ბრალდებით მიმდინარეობს და გულისხმობს, წინასწარი შეთანხმებით ჯგუფის მიერ ჩადენილ ძარცვას, რამაც მნიშვნელოვანი ზიანი გამოიწვია.

ნეტგაზეთის მასალების სხვა გამოცემებში გადაბეჭდვის წესი
ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com