Batumelebi | თებერვლამდე ისევ შეზღუდული იქნება ავტობუსებისა და მიკროავტობუსების მოძრაობა  თებერვლამდე ისევ შეზღუდული იქნება ავტობუსებისა და მიკროავტობუსების მოძრაობა  – Batumelebi
RU | GE  

თებერვლამდე ისევ შეზღუდული იქნება ავტობუსებისა და მიკროავტობუსების მოძრაობა 

საქართველოს ეკონომიკის მინისტრის, ნათია თურნავას თქმით, წერტილოვანი შეზღუდვები პირველ თებერვლამდე შენარჩუნდება. აქამდე ხელისუფლება აცხადებდა, რომ ეპიდემიოლოგიური ვითარების გათვალისწინებით, 16 იანვრიდან შეზღუდვების გაუქმებას აპირებდნენ და ეს ასევე შეეხებოდა საზოგადოებრივ ტრანსპორტსაც.

მინისტრ ნათია თურნავას თქმით, შეზღუდვები ძალაში დარჩება, მათ შორის, საზოგადოებრივი ტრანსპორტისთვის.

„მივიღეთ დღეს გადაწყვეტილება, რომ პირველ თებერვლამდე შევინარჩუნოთ ის რეჟიმი, რაც დღეს არსებობს წერტილოვანი შეზღუდვების. ჩვენი ამონაცანაა, რომ დარჩენილი 2-3 კვირა გამოვიყენოთ იმისთვის, რომ აქტიური კომუნიკაცია გვქონდეს ბიზნესთან და მოვემზადოთ უფრო უსაფრთხო გახსნითვის, თუნდაც, იგივე ვაჭრობის სექტორს რაც შეეხება, ან საზოგადოებრივ ტრანსპორტს,“ – ამბპობს თურნავა.

მინისტრი განმარტავს, რომ ბაზრობები და მუნიციპალური ტრანსპორტი – „ორი საკმაოდ სენსიტიური თემაა და ეს არის ჩვენი პრიორიტეტი“.

„ამ მიმართულებით ვმართავთ გადაუდებელ შეხვედრებს, რომ ახალი სტანდარტი შემოვიღოთ და თებერვლიდან შევძლოთ, რომ შემსუბუქება რეალისტური იყოს და არ დააზიანოს ეპივითარება,“ – ამბობს თურნავა.

შეზღუდვების შესახებ დეტალურად წაიკითხეთ:

მთავრობამ ახალი შეზღუდვების ჩამონათვალი გამოაქვეყნა

ნეტგაზეთის მასალების სხვა გამოცემებში გადაბეჭდვის წესი
ავტორი
ეთერ თურაძე არის გაზეთ "ბათუმელების" მთავარი რედაქტორი 2001 წლიდან