აჭარის სოფლის მეურნეობის მინისტრის, გიორგი სურმანიძის ინფორმაციით, 2021 წლის გაზაფხულიდან აჭარაში ისევ ამოქმედდება მიწის დახვნის სახელმწიფო პროგრამა. პროგრამის ბიუჯეტი, გასულ წელთან შედარებით, თითქმის 150 ათასი ლარით არის გაზრდილი.
გიორგი სურმანიძე: ჩვენ ამ ნაწილში ბიუჯეტი გავზარდეთ. წინა წელს განხორციელებული პროგრამა თავიდან არ იყო დაგეგმილი და პანდემიის პიროებებში იქნა გადაწყვეტილება მიღებული.
ახლა, როდესაც ვუყურებ ციფრებს, საკმაოდ კარგი პროგრამა იყო და ამიტომაც გადაწყდა ამ პროგრამის დატოვება და ბიუჯეტის გაზრდაც – შარშან იყო 360 ათასი ლარი და წელს 500 ათასზე ცოტა მეტია.
ხვნა იქნება მთელი აჭარის მასშტაბით და დაბლობებში იქნება ფარცხვაც – ქობულეთში და ხელვაჩაურში. პროექტს აგროწესების დაცვით დავიწყებთ, თებერვალში ტენდერი გამოცხადდება [შარშან პირდაპირი იყო, რადგან დრო იყო ცოტა].
შარშან დაიხნა 1 500 ჰექტარი, წელს მობილიზებული გვაქვს თანხა 2 000 ჰექტარისთვის. თუ მეტი იქნება მოთხოვნა და აგროვადებში განხორციელდება პროგრამა, დავხნავთ მეტსაც. არის შემთხვევები, როცა აგროვადები გასულია და მერე ითხოვს ფერმერი დახვნა-დაფარცხვას. ჩვენ ვერ განვახორციელებთ ისეთ ქმედებას, რაც აგროვადებთან არ არის შესაბამისობაში. ეს საკითხი იქნება დარეგულირებული.
