Batumelebi | საშობაო წირვა ბათუმის სომხურ ეკლესიაში, შობის დადგომამდე 7 საათით ადრე საშობაო წირვა ბათუმის სომხურ ეკლესიაში, შობის დადგომამდე 7 საათით ადრე – Batumelebi
RU | GE  

საშობაო წირვა ბათუმის სომხურ ეკლესიაში, შობის დადგომამდე 7 საათით ადრე

სომეხთა სამოციქულო მართლმადიდებელი წმინდა ეკლესია 6 იანვარს შობის დღესასწაულს  აღნიშნავს. ბათუმის სომხურ ეკლესიაში დღეს საშობაო ჭრაგალუიცის (სანთლების დანთების) წმინდა წირვა იმართება. წირვა ბათუმში, სომხურ ეკლესიაში 5 იანვარს, ტრადიციულზე რამდენიმე საათით ადრე დაიწყო და 20:00 საათზე დასრულდება.

საქართველოს მთავრობის გადაწყვეტილების გამო, რელიგიური უმცირესობები იძულებული არიან საშობაო მსახურება კომენდანტის საათის დაწყებამდე დაასრულონ. კომენდანტის საათი 21:00 საათზე იწყება.

კორონავირუსის პირობებში დაწესებული შეზღუდვების გამო, მთავრობამ რელიგიურ უმცირესობებს შესთავაზა, თავიანთი მრევლის წევრების მონაცემები მიეწოდებინათ შესაბამისი სამსახურებისთვის, რის საფუძველზეც გაიცემოდა საშვები შობის ღამეს. მთავრობის ამ შეთავაზებით არც ერთმა რელიგიურმა ჯგუფმა არ ისარგებლა.

ხელისუფლების გადაწყვეტილებით, კომენდანტის საათი ერთი დღით მხოლოდ ხვალ გაუქმდება, როცა საქართველოს მართლმადიდებელი ეკლესია შობას აღნიშნავს.

საშობაო წირვა ბათუმის სომხურ ეკლესიაში

საშობაო მსახურება

საშობაო წირვა ბათუმის სომხურ ეკლესიაში პირბადეებით და დისტანციის დაცვით

საშობაო მსახურება

შობა

ნეტგაზეთის მასალების სხვა გამოცემებში გადაბეჭდვის წესი
ავტორი