Batumelebi | გარდაიცვალა ფეხმძიმე ქალი, რომელიც დღეს ქობულეთში ავტოავარიისას დაშავდა გარდაიცვალა ფეხმძიმე ქალი, რომელიც დღეს ქობულეთში ავტოავარიისას დაშავდა – Batumelebi
RU | GE  

გარდაიცვალა ფეხმძიმე ქალი, რომელიც დღეს ქობულეთში ავტოავარიისას დაშავდა

ბათუმში გარდაიცვალა 28 წლის ფეხმძიმე ქალი, რომელიც დღეს, ქობულეთში, სოფელ გვარაში მომხდარი ავტოავარიის შედეგად დაშავდა.

კლინიკაში გვითხრეს, რომ 30 კვირის ფეხმძიმე ქალი კლინიკაში მიყვანისთანავე შეიყვანეს საოპერაციო განყოფილებაში, თუმცა მას სიცოცხლისათვის შეუთავსებელი დაზიანებები ჰქონდა და მისი გადარჩენა ვერ მოხერხდა. დაიღუპა ნაყოფიც.

დღეს, 21 დეკემბერს, ქობულეთში, სოფელ გვარაში ორი მსუბუქი ავტომანქანა შეეჯახა ერთმანეთს. ავტოსაგზაო შემთხვევის შედეგად ორი ადამიანია დაღუპული ფეხმძიმე ქალის ჩათვლით.

შინაგან საქმეთა სამინისტროს ინფორმაციით, გამოძიება დაიწყო სისხლის სამართლის კოდექსის 276-ე მუხლის მე-6 ნაწილის შესაბამისად.

 

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com