Batumelebi | რეზინის ბოტები „ოცნების ქალაქში“ მცხოვრები ბავშვებისთვის – მიმართვა მოქალაქეებს რეზინის ბოტები „ოცნების ქალაქში“ მცხოვრები ბავშვებისთვის – მიმართვა მოქალაქეებს – Batumelebi
RU | GE  

რეზინის ბოტები „ოცნების ქალაქში“ მცხოვრები ბავშვებისთვის – მიმართვა მოქალაქეებს

ალბათ ყველას გსმენიათ, რომ ხელვაჩაურში, ე.წ. „ოცნების ქალაქში“ ბავშვები ძალიან მძიმე პირობებში ცხოვრობენ. მათი მშობლები ვერ ახერხებენ ბავშვების უზრუნველყოფას სრულფასოვანი კვებითა თუ ტანსაცმლით.

ჩვენ, „თავისუფალ ჟურნალისტთა სახლის“ მოხალისეები, ვეცდებით, ამ ბავშვებს ერთი დღით მაინც გავუმრავალფეროვნოთ ცხოვრება. დაგეგმილი გვაქვს მათი წაყვანა ბავშვთა გასართობ ცენტრში, ამას ჩვენი ორგანიზაციის სახსრებით შევძლებთ.

გარდა ამისა, ძალიან გვინდა „ოცნების ქალაქში“ მცხოვრებ ბავშვებს გადავცეთ მცირე საჩუქარი – რეზინის ბოტები, იმიტომ რომ აქ ყოველ გაწვიმებაზე უზარმაზარი გუბეები დგება და ბავშვებს ძირითადად ოთახის ფლოსტებით უხდებათ ამ გუბეების გადალახვა.

მოგმართავთ თხოვნით, მოქალაქეებს, ბიზნესმენებს, ორგანიზაციებს, საქმიან ჯგუფებს! გთხოვთ, დაგვიჭიროთ მხარი, რომ ამ ბავშვებისთვის რეზინის ბოტების შეძენა შევძლოთ.

აქციის ორგანიზატორია ა(ა)იპ „თავისუფალ ჟურნალისტთა სახლის“ ბაზაზე არსებული ბათუმის ახალგაზრდული ცენტრი, რომელშიც გაწევრიანებული არიან 25-წლამდე ახალგაზრდები. აღნიშნული ცენტრი წარმოადგენს „ტოლერანტობის, სამოქალაქო ცნობიერებისა და ინტეგრაციის მხარდაჭერის პროგრამის“ [PITA] ახალგაზრდულ კომპონენტს.

მეტი ინფორმაციისთვის დარეკეთ: 591 95 03 95

ოცნების ქალაქი

ოცნების ქალაქი

ოცნების ქალაქი

ოცნების ქალაქი

ნეტგაზეთის მასალების სხვა გამოცემებში გადაბეჭდვის წესი
ბათუმელები