აჭარის საავტომობილო გზების დეპარტამენტმა 2020 წელს რეგიონის ხუთ მუნიციპალიტეტში მნიშვნელოვანი საგზაო ინფრასტრუქტურის მშენებლობა-რეაბილიტაცია განახორციელა.
აშენდა და აღდგა 10 ხიდი და 177 ხელოვნური ნაგებობა, 34 მიმართულებით 55 კმ. სიგრძის ადგილობრივი მნიშვნელობის საავტომობილო გზაზე მოეწყო ასფალტო-ბეტონის საფარი, ხოლო 125 კმ. სიგრძის გზაზე დაიგო ბეტონის საფარი.
ამჟამად მიმდინარეობს 12 მიმართულებით 20 კმ. სიგრძის საავტომობილო გზაზე ასფალტო-ბეტონის საფარის მოწყობის სამუშაოები.
[checklist]
- ქობულეთის მუნიციპალიტეტი
[/checklist]
ქობულეთის მუნიციპალიტეტში თეთროსანი-ზედა ხუცუბანი 1590 მეტრ მონაკვეთზე, ჯიხანჯური-ვაჟა შაინიძის ქუჩაზე, 2200 მეტრ მონაკვეთზე, ხუცუბანი-ნაკაიძეები-ირემაძეები, ხუცუბანი-ძმათა სასაფლაო-ირემაძეები 1800 მეტრ მონაკვეთზე და აჭყვისთავი-ჩეხედანა-ლეღვა 530 მეტრ მონაკვეთზე დაიგება ორფენიანი ასფალტო-ბეტონის საფარი, მოეწყობა ხელოვნური და დამცავი ნაგებობები, ეზოებში შესასვლელები.
ამ ეტაპზე ხუთივე მიმართულებით ინტენსიურ რეჟიმში მიმდინარეობს ხელოვნური ნაგებობების მშენებლობა.
პროექტები გარდამავალია და 2021 წელს დასრულდება.
ადგილობრივი მნიშვნელობის საავტომობილო გზის ალამბარი-მჟავანაძეების მიმართულებით 990 მეტრ მონაკვეთზე ასფალტო-ბეტონის საფარის დაგების სამუშაოები დასრულდა.
აღნიშნული საავტომობილო გზა უკავშირდება ალამბარი-ზენითის მიმართულებას. რეაბილიტირებული გზით 100-ზე მეტი ოჯახი შეძლებს კომფორტულ და უსაფრთხო გადაადგილებას.
ქობულეთის მუნიციპალიტეტში მიმდინარე წელს 29 კილომეტრ ადგილობრივი მნიშვნელობის საავტომობილო გზებზე ცემენტო-ბეტონის საფარის მოწყობის სამუშაოები დასრულებულია.
სხვადასხვა მიმართულებით ბეტონის საფარის მოწყობა ეტაპობრივად მიმდინარეობდა, რისთვისაც მიმდინარე წელს გამოყოფილი იყო 9 500 კუბ.მ. ბეტონი.
[checklist]
- ხელვაჩაურის მუნიციპალიტეტი
[/checklist]
ხელვაჩაურის მუნიციპალიტეტში, მიქელაძეების ხიდი-დევაძეების მიმართულებით საავტომობილო გზის 255 მ. სიგრძის მონაკვეთზე მიმდინარეობს არმირებული წესით ცემენტო-ბეტონის საფარის დაგება.
პროექტის ფარგლებში უკვე დასრულებულია ხელოვნური ნაგებობების მშენებლობა.
რეაბილიტირებული გზით სოფელში მცხოვრები 50 ოჯახი შეძლებს კომფორტულ და უსაფრთხო გადაადგილებას.
ახალშენის მეურნეობა-ესელიძეების მიმართულებით საავტომობილო გზის 350 მეტრ მონაკვეთზე ასფალტო-ბეტონის საფარის მოწყობის სამუშაოები დასრულდა.
[checklist]
- ქედის მუნიციპალიტეტი
[/checklist]
ქედის მუნიციპალიტეტში მორიგი ადგილობრივი მნიშვნელობის საავტომობილო გზა კეთილმოეწყო.
პროექტის ფარგლებში ცხმორისი-ზედა ცხმორისის საავტომობილო გზის 2745 მეტრ მონაკვეთზე მოეწყო ორფენიანი ასფალტო-ბეტონის საფარი, სხვადასხვა ტიპის ხელოვნური ნაგებობა და არსებულ ხიდს ჩაუტარდა რეაბილიტაცია.
რეაბილიტირებული გზით სოფელ ცხმორისსა და ნაომვალში მცხოვრები 200 ოჯახი შეძლებს კომფორტულ და უსაფრთხო გადაადგილებას.
წონიარისი-ვარჯანისის საავტომობილო გზის 1195 მეტრ მონაკვეთზე სარეაბილიტაციო სამუშაოები დასრულდა.
პროექტის ფარგლებში დაიგო ორფენიანი ასფალტო-ბეტონის საფარი, აშენდა ახალი ხიდი, მოეწყო ხელოვნური და დამცავი ნაგებობები.
რეაბილიტირებული გზით სოფელში მცხოვრები 40 ოჯახი შეძლებს კომფორტულ და უსაფრთხო გადაადგილებას.
ქედის მუნიციპალიტეტში ცემენტო-ბეტონის საფარის მოწყობის სამუშაოები დასკვნით ეტაპზეა.
ამ დროისთვის 21 კილომეტრ ადგილობრივი მნიშვნელობის საავტომობილო გზაზე მოწყობილია 6800 კუბური მეტრი ცემენტო-ბეტონის საფარი.
[checklist]
- შუახევის მუნიციპალიტეტი
[/checklist]
შუახევის მუნიციპალიტეტში ხიჭაური-ნაღვარევის საავტომობილო გზის 1 კმ. 800 მ. სიგრძეზე მიმდინარეობს ასფალტო-ბეტონის საფარის მოწყობის სამუშაოები.
ამ ეტაპზე რეაბილიტაციის პროექტის ფარგლებში, ხელოვნური ნაგებობების მშენებლობა აქტიურად მიმდინარეობს.
რეაბილიტირებული გზით ჭვანისა და წყალსაყრის თემში მცხოვრები 350 ოჯახი ისარგებლებს.
აღნიშნული გზა ტურისტული მნიშვნელობისაცაა, რომელიც გურიის რეგიონს, ბახმაროსა და გომის მთას უკავშირდება.
სახელშეკრულებო ვადების მიხედვით ახალი გზის მშენებლობა 2021 წელს დასრულდება.
შუახევის მუნიციპალიტეტში ადგილობრივი მნიშვნელობის საავტომობილო გზებზე ინტენსიური მუშაობის შედეგად ცემენტო-ბეტონის საფარის მოწყობის სამუშაოები დასრულდა.
სხვადასხვა მიმართულებით ბეტონის საფარის მოწყობა ეტაპობრივად მიმდინარეობდა, რისთვისაც მიმდინარე წელს გამოყოფილი იყო 10 000 კუბ.მ. ბეტონი. საერთო ჯამში 30 კილომეტრ ადგილობრივი მნიშვნელობის საავტომობილო გზაზე მოეწყო ცემენტო-ბეტონის საფარი.
[checklist]
- ხულოს მუნიციპალიტეტი
[/checklist]
ხულოს მუნიციპალიტეტში ადგილობრივი მნიშვნელობის საავტომობილო გზის დიდაჭარა-ნაეკლესვარის მიმართულებით 380 მეტრ მონაკვეთზე არმირებული ცემენტო-ბეტონის საფარის მოწყობის სამუშაოები დასრულდა.
პროექტის ფარგლებში გზასთან ერთად მოეწყო სანიაღვრე არხები დახურული ცხაურით.
რეაბილიტირებული გზით ადგილობრივი მცხოვრებლები და ვიზიტორები შეძლებენ უსაფრთხო და კომფორტულ გადაადგილებას.
ხულოს მუნიციპალიტეტში ცემენტო-ბეტონის საფარის მოწყობის სამუშაოები დასკვნით ეტაპზეა.
ამ დროისთვის 34 კილომეტრ ადგილობრივი მნიშვნელობის საავტომობილო გზაზე მოწყობილია 11400 კუბური მეტრი ცემენტო-ბეტონის საფარი.
