Batumelebi | გზების დეპარტამენტის დაკვეთით გრძელდება საგზაო ინფრასტრუქტურის მშენებლობა-რეაბილიტაცია გზების დეპარტამენტის დაკვეთით გრძელდება საგზაო ინფრასტრუქტურის მშენებლობა-რეაბილიტაცია – Batumelebi
RU | GE  

გზების დეპარტამენტის დაკვეთით გრძელდება საგზაო ინფრასტრუქტურის მშენებლობა-რეაბილიტაცია

აჭარის საავტომობილო გზების დეპარტამენტის დაკვეთით ინტენსიურად გრძელდება საგზაო ინფრასტრუქტურის, ხიდებისა და ხელოვნური ნაგებობების მშენებლობა-რეაბილიტაცია.

ქობულეთის მუნიციპალიტეტში ადგილობრივი მნიშვნელობის საავტომობილო გზის ალამბარი-მჟავანაძეების მიმართულებით 990 მეტრ მონაკვეთზე დაგეგმილია ასფალტო-ბეტონის საფარის მოწყობა. ამ ეტაპზე ხელოვნური ნაგებობების მშენებლობა აქტიურად მიმდინარეობს. აღნიშნული საავტომობილო გზა უკავშირდება ალამბარი-ზენითის მიმართულებას. რეაბილიტირებული გზით 100-ზე მეტი ოჯახი შეძლებს კომფორტულ გადაადგილება.

ლეღვა-წილოსნების საავტომობილო გზის 2 კილომეტრიანი მონაკვეთის რეაბილიტაცია დასრულდა. პროექტის შესაბამისად მოეწყო ორფენიანი ასფალტობეტონის საფარი, ხელოვნური და დამცავი ნაგებობები, აშენდა ერთი ახალი ხიდი. რეაბილიტირებული გზით სოფელში მცხოვრები ორმოცამდე ოჯახი ისარგებლებს.

ადგილობრივი მნიშვნელობის საავტომობილო გზებზე ცემენტო-ბეტონის საფარის მოწყობის სამუშაოები აქტიურად ხორციელდება. სხვადასხვა სოფელში ბეტონის საფარის მოწყობა ეტაპობრივად მიმდინარეობს, რისთვისაც მიმდინარე წელს გამოყოფილია 9500 კუბ.მ. ბეტონი. ამ დროისთვის 27 კილომეტრ ადგილობრივი მნიშვნელობის საავტომობილო გზაზე მოწყობილია 9000 კუბური მეტრი ცემენტო-ბეტონის საფარი.

ხელვაჩაურის მუნიციპალიტეტში კიდევ ერთი მნიშვნელოვანი საგზაო ინფრასტრუქტურული პროექტი ხორციელდება.

ჭარნალის ხიდი-ჭარნალის (ქოქოლაძეების მიმართულებით) საავტომობილო გზის 1140 მ. სიგრძის მონაკვეთზე სარეაბილიტაციო სამუშაოები მიმდინარეობს. ამ ეტაპზე პროექტის ფარგლებში ხელოვნური ნაგებობების მშენებლობა დასასრულს უახლოვდება. აღნიშნული გზა სოფელ მურმანეთს და ქვედა ჭარნალს აკავშირებს, რომლითაც 500 ოჯახი ისარგებლებს.

მიქელაძეების ხიდი-დევაძეების მიმართულებით საავტომობილო გზის 255 მ. სიგრძის მონაკვეთზე სარეაბილიტაციო სამუშაოები მიმდინარეობს. პროექტის ფარგლებში მოეწყობა ხელოვნური ნაგებობები და მოხდება არმირებული წესით ცემენტო-ბეტონის საფარის დაგება. ამ ეტაპზე აქტიურ რეჟიმში მიმდინარეობს ხელოვნური ნაგებობების მშენებლობა. რეაბილიტირებული გზით სოფელში მცხოვრები 50 ოჯახი შეძლებს კომფორტულ გადაადგილებას.

კაპანდიბი-ახალსოფელის საავტომობილო გზის სარეაბილიტაციო სამუშაოები დასრულდა. რეაბილიტაცია ჩაუტარდა 2745 მეტრი სიგრძის გზის მონაკვეთს, მოეწყო სანიაღვრე სისტემა და შესაბამისი ხელოვნური ნაგებობები. ასევე პროექტის ფარგლებში მახოს ხიდს ჩაუტარდა რეაბილიტაცია და მოეწყო ასფალტ-ბეტონის საფარი. რეაბილიტირებული გზით 2500-მდე ოჯახი ისარგებლებს.

ადგილობრივი მნიშვნელობის საავტომობილო გზებზე ცემენტო-ბეტონის საფარის მოწყობის სამუშაოები აქტიურად ხორციელდება. სხვადასხვა სოფელში ბეტონის საფარის მოწყობა ეტაპობრივად მიმდინარეობს, რისთვისაც მიმდინარე წელს გამოყოფილია 9000 კუბ.მ. ბეტონი. ამ დროისთვის 25 კილომეტრ ადგილობრივი მნიშვნელობის საავტომობილო გზაზე მოწყობილია 8400 კუბური მეტრი ცემენტო-ბეტონის საფარი.

ქედის მუნიციპალიტეტში ტურისტული მნიშვნელობის საავტომობილო გზის რეაბილიტაცია ინტენსიურ რეჟიმში ხორციელდება. საგზაო ინფრასტრუქტურული პროექტი მერისი-გუნდაური-ჭალათი 3780 მეტრ მონაკვეთზე მიმდინარეობს. ამ ეტაპზე მიმდინარეობს ხელოვნური ნაგებობების მშენებლობა. აღნიშნულ მონაკვეთზე გზის რეაბილიტაცია პირველად ხორციელდება. რეაბილიტირებული გზით 80 ადგილობრივ ოჯახთან ერთად ვიზიტორები შეძლებენ კომფორტულ და უსაფრთხო გადაადგილებას. პროექტი გარდამავალია და გზის სარეაბილიტაციო სამუშაოები 2021 წელს დასრულდება.

ადგილობრივი მნიშვნელობის საავტომობილო გზებზე ცემენტო-ბეტონის საფარის მოწყობის სამუშაოები ინტენსიურ რეჟიმში ხორციელდება. სხვადასხვა სოფელში ბეტონის საფარის მოწყობა ეტაპობრივად მიმდინარეობს, რისთვისაც მიმდინარე წელს გამოყოფილია 9050 კუბ.მ. ბეტონი. ამ დროისთვის ათ კილომეტრ ადგილობრივი მნიშვნელობის საავტომობილო გზაზე მოწყობილია 3660 კუბური მეტრი ცემენტო-ბეტონის საფარი.

შუახევის მუნიციპალიტეტში ტურისტული მნიშვნელობის საავტომობილო გზის რეაბილიტაცია ხორციელდება. საგზაო ინფრასტრუქტურული პროექტი შუახევი-ჩირუხის საავტომობილო გზის 6500 მეტრ მონაკვეთზე მიმდინარეობს. დასრულდა ხელოვნური ნაგებობების მშენებლობა. პროექტის ფარგლებში მოეწყო რკინა-ბეტონის სანიღვრე არხები, დამცავი ზღუდარები და საყრდენი კედლები. ამ ეტაპზე ინტენსიურ რეჟიმში მიმდინარეობს ასფალტო-ბეტონის საფარის მოწყობა. შუახევი-ჩირუხის გზა გრუნტოვანია და მასზე ასფალტო-ბეტონის საფარის მოწყობა ეტაპობრივად მიმდინარეობს. არსებული გზა ერთმანეთთან აკავშირებს დღვანის, ოლადაურისა და შუბნის თემებს. ასევე აღნიშნული გზით ადგილობრივი მაცხოვრებლები და ვიზიტორები შეძლებენ კომფორტულ გადაადგილებას ჩირუხის მთაზე.

ხიჭაური-ნაღვარევის საავტომობილო გზის 1 კმ. 800 მ. სიგრძეზე დაგეგმილია ორფენიანი ასფალტობეტონის საფარის მოწყობა. ამ ეტაპზე რეაბილიტაციის პროექტის ფარგლებში, ხელოვნური ნაგებობების მშენებლობა აქტიურად მიმდინარეობს. რეაბილიტირებული გზით ჭვანისა და წყალსაყრის თემში მცხოვრები 350 ოჯახი ისარგებლებს. აღნიშნული გზა ტურისტული მნიშვნელობისაცაა, რომელიც გურიის რეგიონს, ბახმაროსა და გომის მთას უკავშირდება. სახელშეკრულებო ვადების მიხედვით ახალი გზის მშენებლობა 2021 წელს დასრულდება.

ადგილობრივი მნიშვნელობის საავტომობილო გზებზე ცემენტო-ბეტონის საფარის მოწყობის სამუშაოები აქტიურად ხორციელდება. სხვადასხვა სოფელში ბეტონის საფარის მოწყობა ეტაპობრივად მიმდინარეობს, რისთვისაც მიმდინარე წელს გამოყოფილია 10 000 კუბ.მ. ბეტონი. ამ დროისთვის 21 კილომეტრ ადგილობრივი მნიშვნელობის საავტომობილო გზაზე მოწყობილია 7000 კუბური მეტრი ცემენტო-ბეტონის საფარი.

ხულოს მუნიციპალიტეტში ტურისტული მნიშვნელობის საავტომობილო გზის რეაბილიტაცია ხორციელდება. საგზაო ინფრასტრუქტურული პროექტი გოდერძის უღელტეხილი-მწვანე ტბა-დიდაჭარის იაილა (შავი ტბა, ტურისტული მიმართულება) საავტომობილო გზის 4250 მეტრ მონაკვეთზე მიმდინარეობს. პროექტის ფარგლებში მოხდება არმირებული წესით ცემენტო-ბეტონის საფარის დაგება. რეაბილიტირებული გზით მწვანე ტბიდან შავ ტბამდე ვიზიტორები კომფროტულ გადაადგილებას შეძლებენ. აღნიშნული პროექტი გარდამავალია და მომდევნო წელს დასრულდება.

სოფელ ზედა თხილვანაში გაუმჯობესდა საგზაო ინფრასტრუქტურა. თხილვანის საავტომობილო გზის 740 მეტრ მონაკვეთზე ასფალტობეტონის საფარი დაიგო. რეაბილიტირებული გზით სოფელში მცხოვრები 70 ოჯახი ისარგებლებს. აღნიშნულ მიმართულებას აქვს ასევე ტურისტული მნიშვნელობაც, ვინაიდან სოფელ თხილვანაში ფუნქციონირებს საოჯახო სასტუმროები და თხილვანის ეთნოგრაფიული მუზეუმი.

ადგილობრივი მნიშვნელობის საავტომობილო გზებზე ცემენტო-ბეტონის საფარის მოწყობის სამუშაოები აქტიურად ხორციელდება. სხვადასხვა სოფელში ბეტონის საფარის მოწყობა ეტაპობრივად მიმდინარეობს, რისთვისაც მიმდინარე წელს გამოყოფილია 11700 კუბ.მ. ბეტონი. ამ დროისთვის 28 კილომეტრ ადგილობრივი მნიშვნელობის საავტომობილო გზაზე მოწყობილია 9450 კუბური მეტრი ცემენტო-ბეტონის საფარი.

ნეტგაზეთის მასალების სხვა გამოცემებში გადაბეჭდვის წესი
ავტორი