უცხოელებს, რომლებიც მიმდინარე წლის 14 მარტისთვის საქართველოში ლეგალურად იმყოფებოდნენ და ქვეყანა პანდემიის გამო ვერ დატოვეს, შეუძლიათ საქართველოში დარჩნენ 2021 წლის 1-ელ ივლისამდე, კონკრეტული გარემოებების არსებობის შემთხვევაში.
შესაბამისი განკარგულება საქართველოს მთავრობამ 2020 წლის 16 დეკემბერს გამოსცა, რომლის მიხედვითაც:
„უცხოელი ან მოქალაქეობის არმქონე პირი, რომელიც 2020 წლის 14 მარტისათვის ლეგალურად იმყოფებოდა საქართველოს ტერიტორიაზე და ვერ შეძლო ქვეყნის დატოვება საქართველოში კანონიერად ყოფნის ვადის ამოწურვამდე, უფლებამოსილია, იმყოფებოდეს საქართველოს ტერიტორიაზე 2021 წლის 1-ელ ივლისამდე, თუ მისი საქართველოს ტერიტორიაზე ყოფნა გამოწვეულია შემდეგი გარემოებებით:
[checklist]
- თუ პირის მოქალაქეობის სახელმწიფო შესაბამისი პერიოდისათვის შედიოდა მაღალი რისკის ზონაში;
- თუ საზღვრის კვეთაზე შეზღუდვა დაწესებულია შესაბამისი სახელმწიფოს მიერ;
- თუ პირი, ჯანმრთელობის მდგომარეობის გამო, იმყოფება საავადმყოფოში, კარანტინში ან თვითიზოლაციაში;
- თუ პირმა ვერ დატოვა ქვეყანა დადგენილ ვადაში, გაუქმებული ავიარეისების გამო.“
[/checklist]
აღნიშნული განკარგულება 2021 წლის 1-ლი იანვრიდან ამოქმედდება, ვინაიდან ასეთ მოქალაქეებს საქართველოში ყოფნის უფლება 2020 წლის 31 დეკემბრამდე აქვთ. ეს თარიღი მთავრობამ რამდენჯერმე გადაავადა.
ამ თემაზე:
უცხოელს, რომელმაც საქართველო ვერ დატოვა, ქვეყანაში ყოფნის უფლება 31 ივლისამდე აქვს – კორონავირუსი
