ხათუნა ბერიძე ისევ დააკავეს [ფოტო]

დღეს აჭარის უმაღლესი საბჭო საპროტესტო აქციის ფონზე შეიკრიბა. პოლიციამ უკვე დააკავა „ალტერნატივას“ თავმჯდომარე ხათუნა ბერიძე. როგორც აქციის მონაწილეები აცხადებენ, ხათუნა ბერიძე უმაღლესი საბჭოს ღობეზე სტიკერის გაკვრისთვის დააკავეს.

გარდა ხათუნა ბერიძისა, დაკავებულია კიდევ ერთი აქტივისტი, ნუგზარ ხოზრევანიძე.

„ლაივში“ ისმის აჭარის პოლიციის უფროსის მოადგილის, ირაკლი ჭედიშვილის ხმა, რომელიც აქციის მონაწილეებს აფრთხილებს, რომ მათ არ მისცემენ უმაღლესი საბჭოს შენობის ღობეზე ასვლის უფლებას.

ხათუნა ბერიძე „ალტერნატვიას“ ხელმძღვანელია და აჭარის მთავრობასთან 3 ნოემბრის შემდეგ დაწყებულ აქციებზე, რომელიც დღემდე გრძელდება, უკვე რამდენჯერმე დააკავეს. დღემდე მას სასამართლო ადმინისტრაციულ წესით აჯარიმებდა და ათავისუფლებდა.

15 დეკემბერი. აქცია უმაღლეს საბჭოსთან

15 დეკემბერი. აქცია აჭარის უმაღლეს საბჭოსთან

15 დეკემბერი. პოლიცია აჭარის უმაღლეს საბჭოსთან.

უმაღლეს საბჭოში ამ დროისთვის [12:00] შესვენებაა გამოცხადებული. დღეს, 15 დეკემბერს, მეხუთე მოწვევის უმაღლეს საბჭო შეიკრიბა, სადაც მხოლოდ „ქართული ოცნების“ დეპუტატები შევიდნენ. ოპოზიცია მიიჩნევს, რომ 31 ოქტომბრის არჩევნები გაყალბდა და ისინი უმაღლეს საბჭოში შესვლას არ აპირებენ.