მთავარი,სიახლეები

100 000 მოსახლეზე კოვიდის გავრცელებით საქართველო ისევ პირველ ადგილზე | ანტირეკორდი

10.12.2020 • 1175
100 000 მოსახლეზე კოვიდის გავრცელებით საქართველო ისევ პირველ ადგილზე | ანტირეკორდი

ბოლო 7 დღის განმავლობაში 100 000 მოსახლეზე COVID19-ის გავრცელებით საქართველო ისევ პირველ ადგილზეა მსოფლიოში. ამას მოწმობს დიაგრამა, რომელსაც ამერიკული გამოცემა New York Times-ი აქვეყნებს.

გამოცემის თანახმად, ბოლო 1 კვირის მანძილზე ახალი კორონავირუსის შემთხვევათა გავრცელების საშუალო მაჩვენებელი 4 429.6-ს შეადგენს, რაც 100 000 მოსახლეზე 118.7 შემთხვევას გულისხმობს. საქართველოს მოსდევენ სერბეთი, ბელიზი და ლიეტუვა.

საქართველო უკვე მეორე კვირაა ამ მონაცემით პირველ ადგილზეა მსოფლიოს ქვეყნებს შორის.

ამავე დიაგრამის მიხედვით, საქართველო მე-14 პოზიციაზეა (2 ქვეყანასთან ერთად) ბოლო 7 დღის მანძილზე 100 000 სულ მოსახლეზე ვირუსით გარდაცვალების შემთხვევათა დღიური რაოდენობით. აქ ამავე პერიოდის განმავლობაში საშუალო მაჩვენებელი 38.9-ს შეადგენს, რაც 100 000 მოსახლეზე გარდაცვალების 1 შემთხვევას გულისხმობს. ამ კუთხით ყველაზე უარესი მდგომარეობა სლოვენიაში, ბულგარეთსა და უნგრეთშია. საქართველოს მსგავსი მაჩვენებლები აქვთ ბელგიას და ავსტრიას.

სტატისტიკა დაადასტურა დაავადებათა კონტროლის ცენტრის დირექტორის მოადგილემ, პაატა იმნაძემაც, თუმცა თქვა, რომ სისტემამ ამ მოცემულობას გაუძლო.

ამავე თემაზე: 

საქართველოში ყოველ 24-ე ადამიანს კოვიდი აქვს დადასტურებული | სტატისტიკა

გადაბეჭდვის წესი


ასევე: