Batumelebi | გადათხრილი ქუჩები და საცობები ბათუმში ისევ იქნება – მერიის მომავალი წლის გეგმები გადათხრილი ქუჩები და საცობები ბათუმში ისევ იქნება – მერიის მომავალი წლის გეგმები – Batumelebi
RU | GE  

გადათხრილი ქუჩები და საცობები ბათუმში ისევ იქნება – მერიის მომავალი წლის გეგმები

თითქმის ნახევარი წელია ე.წ. სტეფანოვკის დასახლება ბათუმის ბავშვთა საავადმყოფოს მიმდებარე ტერიტორიამდე ერთგვარი ჩიხია ავტომობილით გადაადგილების დროს. პანდემიის გამო დაწესებული აკრძალვების პირობებშიც კი, როცა საზოგადოებრივი ტრანსპორტი არ მოძრაობს, ამ ადგილზე საცობში ყოფნა მძღოლებს ხშირად 20-25 წუთზე მეტ ხანსაც უწევთ.

სარემონტო სამუშაოების მიზეზით აქ ავტომანქანებს მხოლოდ გზის ნახევარზე შეეძლოთ გადაადგილება მთელი ზაფხულის განმავლობაში. სექტემბრის დასაწყისში კი აქაურობა მომუშავე ჯგუფმა ისე დატოვა, რომ გზის გადათხრილი ნაწილი არ მოუწესრიგებია, გარკვეული დროით ადგილზე დატოვეს სამშენებლო მასალები და მძიმე ტექნიკა, რაც დამატებითი ბარიერი იყო გადაადგილებისთვის.

აქ არსებული შეფერხების მიზეზებზე სექტემბრის დასაწყისში ბათუმის მერიაში გვითხრეს, რომ ადგილზე კომუნიკაციები გაჰყავდათ, შემდეგ კი სპეციალისტებმა ტერიტორია 2 თვით სატესტო რეჟიმში დატოვეს:

„უნდა დაიტესტოს რამდენად ნორმალურად გაკეთდა დაერთებები, ორი თვის შემდეგ თუ ყველაფერი კარგად იქნება, ამ ადგილს მოაწესრიგებენ და სრულად გახსნიან, სხვა გამოსავალი არ გვაქვს“, – გვითხრეს მერიაში.

დღეს აქ გადაადგილება ისევ შეზღუდული და პრობლემურია, პარალელურად ქალაქში სარემონტო სამუშაოების გამო კიდევ რამდენიმე ქუჩაზეა დიდხნიანი შეფერხება.

ბათუმის სხვადასხვა ქუჩაზე დაწყებული სამუშაოები, რომ განუსაზღვრელი ვადით იწელება, ამაზე მოსახლეობა ჯერ კიდევ წინა ხელისუფლების დროიდან მოყოლებული წუწუნებს, ჩივის ან პრეტენზიას უფრო აგრესიულადაც გამოხატავს, თუმცა ამ ყველაფერს შედეგი არც მაშინ ჰქონია და არც ახლა აქვს, გარდა იმ განსხვავებისა, რომ თუ გასულ წლებში ვადების გახანგრძლივებას უამინდობას აბრალებდნენ, ახლა მიზეზი პანდემიაა.

ბათუმში ახსოვთ ამ საკითხზე კითხვებით შეწუხებული მერიის წარმომადგენლის განმარტებაც: „სახლში რემონტს როცა აკეთებთ, არ წუხდებით? – დიახ ეს დამღლელია, მაგრამ შემდეგ გესიამოვნებათ“. ამ განმარტების შემდეგ დიდი დრო გავიდა, ქუჩები ისევ გადათხრილია.

2020 წლის ბიუჯეტის შესრულების ანგარიშს და ამის პარალელურად 2021 წლების ბათუმის ბიუჯეტის პროექტს თუ გადავხედავთ, შეგვიძლია ვივარაუდოთ, რომ გადათხრილი ქუჩებით გამოწვეული დისკომფორტი არც მომავალ წელს მოგვაკლდება. გარდა ამისა, 2021-ში უკვე რეაბილიტირებულ ქუჩაზე ძველი შეცდომების გამოსწორების სამუშაოებიც არის დაგეგმილი, როგორიცაა, მაგალითად, ბორდიურების ნულოვან ნიშნულზე დაყვანა იმისათვის, რომ შშმ პირებს გადაადგილება არ გაუჭირდეთ.

საბოლოო ჯამში მომავალ წელს ინფრასტრუქტურული სამუშაოებისთვის 69 მილიონი ლარი უნდა დაიხარჯოს, აქედან 37 მილიონ 805 000 ლარი გზების ინფრასტრუქტურის მოწესრიგებას მოხმარდება.

ბიუჯეტის პროექტის მიხედვით 2021 წელს დაგეგმილია:

  • ლერმონტოვის ქუჩის გაგრძელება გენერალ ასლან აბაშიძის ქუჩამდე.
  • ანგისის ქუჩის კეთილმოწყობა.
  • მესხეთის ქუჩის რეაბილიტაცია.
  • სულაბერიძის ქუჩის მონაკვეთის [ბაგრატიონის ქუჩიდან პუშკინის ქუჩამდე] მიმართულებით [I ეტაპი] სამუშაოები.

დაგეგმილია ასევე პრობლემატურ მონაკვეთებზე ბეტონის საფარის დაგება რამდენიმე ქუჩაზე, კერძოდ:

  • ნ. გოგოლის ქუჩის მონაკვეთის [წმინდა დიაკონი სევერიანე აჭარელი აღმსარებლის ქუჩიდან ი. ნონეშვილის ქუჩამდე] კეთილმოწყობა.
  •  გაგარინის ქუჩის გაგრძელება კეთილმოწყობა.
  • სტიქიის შედეგად მიყენებული ზიანის სალიკვიდაციო სამუშაოები – ანა კალანდაძის ქუჩა N92; ქ. ბათუმი, თოდოგაურის დასახლება N17.
  • ბათუმი, ყადირ შერვაშიძის აღმართი N52,  ბათუმგორის ქუჩა N29, ურეხის დასახლება N6, ურეხის დასახლება N12,  მახვილაურის დასახლება N65, თოდოგაურის დასახლება N79, თოდოგაურის დასახლება N67, ზედაღელეს დასახლება N34-ის მიმდებარედ რკინა ბეტონის საყრდენი კედლის მშენებლობა. კვიპაროსის N43-ის მიმდებარედ რკინა-ბეტონის საყრდენი კედლის მშენებლობა, ზედაღელეს დასახლება N69; თოდოგაურის დასახლება N38;  წმინდა ნინოს I-ჩიხი N1, პეტრე იბერის ქუჩა N6, ი. ჯინჭარაძის ქუჩა N17, ხახულისა და კახაბრის ქუჩების კვეთაში N1 საავტომობილო ხიდის მოწყობა, ხახულისა და კახაბრის ქუჩების კვეთაში N2 საავტომობილო ხიდის მოწყობა; იოანე ლაზის ქუჩის ხიდბოგირის მოწყობის სამუშაოები, ბეთლემის ქუჩაზე ხიდის რეაბილიტაციის სამუშაოები, ბედიას ქუჩის კეთილმოწყობა.

მხედველობადაქვეითებულთათვის განკუთვნილი ბილიკის მოწყობა

მომავალი წლის ბიუჯეტის პროექტის მიხედვით, გორგილაძის ქუჩის მონაკვეთებში მხედველობა დაქვეითებულთათვის განკუთვნილი ბილიკის მოწყობა და გადასასვლელებზე ტროტუარის ბორდიურის სიმაღლის ნულოვან ნიშნულზე დაყვანა იგეგმება. იგივე სამუშაოები ჩატარდება ჭავჭავაძის ქუჩაზეც.

დაფინანსდება ასევე რამდენიმე ქუჩაზე ან კონკრეტულ მონაკვეთებზე კეთილმოწყობის სამუშაოები:

  • ბაღის ქუჩის პირველი შესახვევის კეთილმოწყობა;
  • ბაგრატიონის ქუჩის (შარტავას წრიულიდან ვ. ფშაველას ქუჩამდე) რეაბილიტაციის სამუშაოები;
  • სამრეწველო ზონის მიმდებარედ (ადგილობრივი მნიშვნელობის გზის “მახოს ხიდი-გონიოს ხიდისა” და “გეზის მიმდებარედ)
    მთავარი და მეორე ხარისხოვანი გზის მშენებლობა – მოწყობის სამუშაოები;
  • მ. ვარშანიძის VI ჩიხის კეთილმოწყობა;
  • მამია ვარშანიძის მეორე შესახვევის კეთილმოწყობა;
  • ჯავახიშვილის I და II შესახვევის რეაბილიტაცია;
  •  ოძელაშვილის ქუჩის რეაბილიტაცია;
  • სარაჯიშვილის ქუჩის (სანიაღვრეთი) კეთილმოწყობა;
  • დ. სვიშევსკის ქუჩის კეთილმოწყობა; დ. სვიშევსკის I შესახვევის, I და II ჩიხის
    კეთილმოწყობა;
  •  ე.წ. „ბარცხანის“ ხიდის რეაბილიტაცია;
  • ი. გრიშაშვილის ქუჩის კეთილმოწყობის სამუშაოები;
  • ი. გრიშაშვილის ჩიხის კეთილმოწყობის სამუშაოები;
  • გ. ჩოხელის ქუჩის I ჩიხის კეთილმოწყობა;
  • გ. ჩოხელის ქუჩის კეთილმოწყობა;
  •  მაჭახლის ქ.N41-დან N59-დე მონაკვეთის კეთილმოწყობა;
  •  ფრ. ხალვაშის VII ჩიხის კეთილმოწყობა;
  •  ფრიდონ ხალვაშის III ჩიხის კეთილმოწყობა;
  • ზედაღელეს ქ. N2-დან N20-მდე მონაკვეთში ფეხით მოსიარულეთა სავალი ბილიკის მოწყობა;
  • ბათუმი, ფრ. ხალვაშის გამზირის მე-9 შესახვევის კეთილმოწყობის სამუშაოები;

სტიქიის სალიკვიდაციო სამუშაოები:

2021 წლის ბიუჯეტის პროექტის მიხედვით, სტიქიის შედეგად მიყენებული ზიანის სალიკვიდაციო სამუშაოები დაფინანსდება

2021 წლის ბიუჯეტის პროექტზე ბათუმის საკრებულომ მორიგ სხდომაზე უნდა იმსჯელოს.

ნეტგაზეთის მასალების სხვა გამოცემებში გადაბეჭდვის წესი
ავტორი