მთავარი,სიახლეები

უსკო-ს თავმჯდომარეს „ივანიშვილის სერტიფიკატი“ მიუტანეს

04.12.2020 • 1450
უსკო-ს თავმჯდომარეს „ივანიშვილის სერტიფიკატი“ მიუტანეს

აჭარის უმაღლესი საარჩევნო კომისიის წინ საპროტესტო აქცია მიმდინარეობს. აქციის მონაწილეები სხვადასხვა ორგანიზაციას წარმოადგენენ და მიიჩნევენ, რომ 31 ოქტომბრის არჩევნები გაყალბდა. დღეს, 4 დეკემბერს, უსკო 31 ოქტომბრის არჩევნებზე შემაჯამებელ ოქმს მიიღებს. საპროტესტო აქცია სხდომის პარალელურად იმართება.

აქციის მონაწილეებმა უსკო-ს თავმჯდომარეს, პარმენ ჯალაღონიას „ივანიშვილის სერტიფიკატი“ მიუტანეს და პირადად მისი გადაცემა ითხოვეს, თუმცა დაცვის სამსახური მათ ამის საშუალებას ჯერჯერობით არ აძლევს. აქციის მონაწილეების განმარტებით, უსკოც მონაწილეობდა არჩევნების გაყალბებაში და მათ სიმბოლურად მიუძღვნეს სერტიფიკატი ივანიშვილის ხელმოწერით.

საპროტესტო აქციაზე გაუშვეს ბუშტებიც, რომელზეც სხვადასხვა საუბნო კომისიის შემაჯამებელი ოქმია მიკრული.

„ასე, ბუშტებივით გასკდება ეს გაყალბებული ოქმებიც,“ – ამბობენ აქციის მონაწილეები.

არჩევნების შედეგებს 3 ნოემბრიდან აპროტესტებენ ბათუმში. აჭარის მთავრობის სახლის წინ საპროტესტო აქცია გრძელდება.

საპროტესტო აქცია უსკოსთან, 4 დეკემბერი, 2020 წ.

გადაბეჭდვის წესი


ასევე: