Batumelebi | აჭარაში კოვიდით ინფიცირების 402 ახალი შემთხვევაა, გარდაცვლილთა რიცხვს მთავრობა აღარ ამბობს აჭარაში კოვიდით ინფიცირების 402 ახალი შემთხვევაა, გარდაცვლილთა რიცხვს მთავრობა აღარ ამბობს – Batumelebi
RU | GE  

აჭარაში კოვიდით ინფიცირების 402 ახალი შემთხვევაა, გარდაცვლილთა რიცხვს მთავრობა აღარ ამბობს

ბოლო 24 საათის განმავლობაში აჭარაში კორონავირუსის 402 ახალი შემთხვევა დაფიქსირდა, ქვეყნის მასშტაბით კი – 4033.

უწყებათშორისი საკოორდინაციო საბჭოს ინფორმაციით, აჭარაში სულ 999 პირი გადის მკურნალობას კლინიკებში, მათ შორის 119 ხელოვნურ სუნთქვის აპარატზეა. 1973 პირი აჭარის რეგიონში კოვიდსასტუმროში მკურნალობს, 1004 ადამიანი საკარანტინე სივრცეშია, ხოლო 11 505 – თვითიზოლაციაშია.

აჭარაში ბოლო 24 საათის განმავლობაში გამოჯანმრთელდა 443 პაციენტი.

საქართველოში გასული 24 საათის განმავლობაში 39 პაციენტი გარდაიცვალა, თუმცა უცნობია, მათგან რამდენი ადამიანი გარდაიცვალა აჭარაში. ამ ინფორმაციას არც უწყებათშორისი საბჭო ავრცელებს და რამდენიმე დღეა, არც აჭარის ჯანდაცვის სამინისტრო.

პრესცენტრის ინფორმაციით, აჭარის ჯანდაცვის სამინისტროში გარდაცვლილების შესახებ ინფორმაცია აღარ შედის.

განსხვავებულია აჭარის ჯანდაცვის სამინისტროს სტატისტიკური მონაცემიც, მაგალითად, აჭარის ჯანდაცვის სამინსიტროს ინფორმაციით, აჭარის კოვიდ კლინიკებში მკურნალობს 932 პაციენტი, ხოლო ხელოვნური სუნთქვის აპარტზეა – 48. აჭარის ჯანდაცვის სამინისტროს პრესსამსახურის განმარტებით, ინფორმაცია სხვადასხვა დროს მუშავდება და ესაა მიზეზი იმის, რომ ციფრები ერთმანეთს არ ემთხვევა.

რატომ აღარ ასაჯაროვებს მთავრობა ინფორმაციას რეგიონებში, მათ შორის, აჭარის რეგიონში გარდაცვლილების შესახებ, ამ საკითხზე „ბათუმელები“ აჭარის ჯანდაცვის სამინისტროს განმარტებას ელოდება.

ნეტგაზეთის მასალების სხვა გამოცემებში გადაბეჭდვის წესი
ავტორი