საავტორო კინოს ბათუმის საერთაშორისო ფესტივალი 25 ნოემბერს დასრულდა, თუმცა ფესტივალის მენეჯმენტის გადაწყვეტილებით საერთაშორისო კონკურსის გამარჯვებული ფილმების, ასევე მოკლემეტრაჟიანი და COVIDEO სექციის ფილმების ნახვა მაყურებელს 29 ნოემბრის ჩათვლით შეეძლება.
ეს ფილმებია:
BIAFF 2020-ის მხატვრული ფილმების საერთაშორისო კონკურსი:
- „ბოროტება არ არსებობს“, მუჰამედ რასულოფი, გერმანია/ირანი/ჩეხეთი, 2020
- „ყვითელი კატა“, ადილხან ერზანოვი, ყაზახეთი/საფრანგეთი, 2020
- „ბერლინი, ალექსანდერპლაცი“, ბურჰან ქურბანი, გერმანია/ჰოლანდია, 2020
- „მარე“ ,ანდრეა სტაკა, შვეიცარია/ხორვატია, 2020
- „პერსონა N2“, ნინო ბასილია, საქართველო/გერმანია, 2020
BIAFF 2020-ის დოკუმენტური ფილმების საერთაშორისო კონკურსი
- „ვეშაპი ლორინოდან“, მასიეჟ ჩუსკე, პოლონეთი, 2019 [საუკეთესო დოკუმენტური ფილმი]
- „დისკვალიფიცირებული“, ჰამზა ოუნი, ტუნისი/საფრანგეთი/ყატარი, 2020 [ჟიურის სპეციალური პრიზი]
ფილმებზე წვდომისთვის საჭიროა რეგისტრაცია. კინოფესტივალის ფილმები განთავსებულია ამ ბმულზე.
ვებგვერდზე შესვლის შემდეგ, ეკრანის მარჯვნივ, Create Account-ის მითითებით გამოსულ ფანჯარაში უნდა შეავსოთ სახელის, გვარის, ელფოსტის და პაროლის ველები და მონიშნოთ პირობებზე დათანხმების ველიც. Submit ღილაკზე დაჭერით გაივლით რეგისტრაციას და პლატფორმაზე განთავსებულ ფილმებზე გექნებათ წვდომა.
vimeo.com-ზე კი განთავსებულია ფესტივალის მოკლემეტრაჟიანი ფილმების საკონკურსო სექციის ფილმები და „ქართული პანორამის“ ერთი ფილმი.
მოკლემეტრაჟიანი ფილმების სანახავად უნდა გახსნათ ეს ინტერნეტბმული, უნდა შეიყვანოთ პაროლი – biaff2020 და გადახვალთ კინოფესტივალის ფილმების პროგრამაზე.
VIMEO-ზე განთავსებული ფილმების ნახვა ნებისმიერ ქვეყანაში არის შესაძლებელი
კინოფესტივალის სპეციალური სექცია – კოვიდ19 პანდემიის პირობებში გადაღებული მოკლემეტრაჟიანი ფილმები შეგიძლიათ იხილოთ კინოფესტივალის ფეისბუქგვერდზე.
__________
კადრი ფილმიდან „მარე“. მსახიობი მარიჟა სკარიჩიჩი წელს ბათუმის საავტორო კინოფესტივალზე ჟიურიმ საუკეთესო მსახიობ ქალად დაასახელა.