Batumelebi | წინასაახალწლო საჩუქრები სოციალურად დაუცველებს წინასაახალწლო საჩუქრები სოციალურად დაუცველებს – Batumelebi
RU | GE  

წინასაახალწლო საჩუქრები სოციალურად დაუცველებს

გაყინული ქათამი 1 ცალი, შაქარი 2 კგ, ფქვილი 2 კგ, ზეთი 1 ბოთლი, შოკოლადის ასორტი 1 კგ, შედედებული რძე 1 ცალი, გოზინაყი 2 ცალი და  10 ცალი კვერცხი – ეს იმ პროდუქტების ჩამონათვალია, რასაც ბათუმის კულტურის ცენტრი ერთ პაკეტში მოათავსებს და სოციალურად დაუცველ მოქალაქეს გადასცემს. 1041 ასეთ პაკეტს საჩუქრად ბათუმში ამდენივე ბენეფიციარი მიიღებს.

ბათუმის კულტურის ცენტრი „სოციალურად მოწყვლადი კატეგორიის“ ადამიანებისთვის წინასაახალწლოდ სასაჩუქრე ნობათს 34 900 ლარად შეისყიდის.

როგორც კულტურის ცენტრში აცხადებენ „აღნიშნული საკითხი არ იყო გათვალისწინებული წლის დასაწყისისთვის, თანხა გამოიყო ნოემბრის ბოლოს, შესაბამისად, გამოცხადდა ტენდერი, თუმცა ტენდერი არ შედგა“. ამიტომ, კულტურის ცენტრი სურსათს გამარტივებული წესით შეიწყიდის და საჩუქარს ბენეფიციარებს 28 დეკემბრამდე გადასცემს.

ნეტგაზეთის მასალების სხვა გამოცემებში გადაბეჭდვის წესი
ავტორი
თედო ჯორბენაძე, ჟურნალისტი მობ.: 599 139 412 ელ/ფოსტა: tedobatumi@gmail.com