Batumelebi | ტიკარაძე ამბობს, რომ რობოტი პეპერი პაციენტების მკურნალობის კომპონენტში ჩართულია  ტიკარაძე ამბობს, რომ რობოტი პეპერი პაციენტების მკურნალობის კომპონენტში ჩართულია  – Batumelebi
RU | GE  

ტიკარაძე ამბობს, რომ რობოტი პეპერი პაციენტების მკურნალობის კომპონენტში ჩართულია 

დღეს, 24 ნოემბერს, ჯანდაცვის მინისტრმა ეკატერინე ტიკარაძემ საკოორდინაციო საბჭოს შემდეგ მედიის კითხვებს უპასუხა. ერთ-ერთი კითხვა შეეხებოდა რობოტ პეპერს, რომელიც მინისტრმა საფრანგეთიდან ჩამოიტანა და ივნისში საზოგადოებას საჯაროდ წარუდგინა. თუმცა შემდეგ რობოტი პეპერი გაუჩინარდა.

როგორც პრეზენტაციის დღეს მინისტრმა განაცხადა, Covid 19-თან ბრძოლაში მას რობოტი დაეხმარებოდა.

„პრეზენტაციის დღესაც აღნიშნული იყო, რომ რობოტი პეპერი არის ციფრული ტექნოლოგიების და ტელემედიცინის სიმბოლო და კოვიდის პერიოდში ჩვენ, ონლაინკლინიკის ფარგლებში ტელემედიცინის კომპონენტებს ვიყენებთ. ეს არ გულისხმობდა, რომ რობოტ პეპერს საქართველოს მასშტაბით რომელიმე კლინიკაში დაინახავდით.

ჩვენ ვგულისხმობდით, რომ რობოტი პეპერი, როგორც ტელემედიცინის სიმბოლო, ჩართული იქნებოდა პაციენტების მკურნალობის კომპონენტში, რაც დღეს ფუნქციონირებს“, – აცხადებს ეკატერინე ტიკარაძე.

ტიკარაძემ ასევე ისაუბრა კოვიდ აპლიკაციასთან დაკავშირებით და განაცხადა, რომ ეს აპლიკაცია მაშინ იქნება ეფექტური, თუ მას მოსახლეობის 40 პროცენტი მაინც ყოველდღიურად გამოიყენებდა.

___

ამავე თემაზე:

რა ბედი ეწია რობოტ პეპერს, რომელიც ჯანდაცვის მინისტრს უნდა დახმარებოდა

ნეტგაზეთის მასალების სხვა გამოცემებში გადაბეჭდვის წესი
ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com