ბათუმის ბულვარის ტერიტორიისა და სანაპირო ზოლის დალეგება-დასუფთავებაზე ბულვარის ადმინისტრაციამ ტენდერი გამოაცხადა. მომსახურების შესყიდვის მაქსიმალური ღირებულება 760 942 ლარია.
ტენდერში გამარჯვებულმა უნდა უზრუნველყოს ბათუმის ბულვარის სარგებლობაში არსებული ტერიტორიისა და სანაპირო ზოლის დალაგება-დასუფთავება 2021 წლის 1-ლი იანვრიდან 2021 წლის 31 დეკემბრის ჩათვლით.
მომსახურება მოიცავს:
- ბულვარის ტერიტორიის [283 110 კვ.მ] დაგვა-დასუფთავებას დღეში ერთხელ თორმეტი თვის განმავლობაში;
- დაგვა-დასუფთავება დამატებით [მეორეჯერ შუადღის ცვლაში სპეცტექნიკით – 100 000 კვ.მ] ოთხი თვის განმავლობაში: ივნისი, ივლისი, აგვისტო, სექტემბერი;
- დაგვა-დასუფთავება დამატებით [მესამეჯერ, სახვეტი სპეცტექნიკით – 100 000 კვ.მ] სეზონურად, ორი თვის განმავლობაში: ივლისი, აგვისტო;
- მწვანე საფარის [150 000 კვ.მ] დასუფთავება ყოველდღე თორმეტი თვის განმავლობაში;
- მორწყვა-მორეცხვა: ბულვარის ტერიტორიის მორწყვა-მორეცხვა 10-ტონიანი სპეცმანქანით (აუცილებლობის შემთხვევაში);
- 800 ტონა ანახვეტის, ბალახის და ტოტების გატანა თორმეტი თვის განმავლობაში;
- სანიაღვრე ჭების გაწმენდა თვეში ერთხელ [500 ცალი თვეში];
- სანაპიროს [პლაჟის] და სანაპიროზე არსებული გასახდელების თვეში სამჯერ დასუფთავება 7 თვის განმავლობაში: იანვარი, თებერვალი, მარტი, აპრილი, ოქტომბერი, ნოემბერი, დეკემბერი;
- სანაპიროს [პლაჟის] და სანაპიროზე არსებული გასახდელების ყოველდღიური დაგვა-დასუფთავება – ხუთი თვის განმავლობაში: მაისი ივნისი, ივლისი, აგვისტო, სექტემბერი.
ბულვარის მიერ გამოცხადებულ ტენდერში წინადადებების მიღება 16 დეკემბერს დაიწყება და 21 დეკემბერს დასრულდება.
21 დეკემბერს დასრულდება ბათუმის მერიის მიერ გამოცხადებული ორი ტენდერიც, რომლებიც ქალაქის ტერიტორიის დასუფთავებაზე, ქუჩების თოვლის საფარისაგან გაწმენდაზე, საყოფაცხოვრებო ნარჩენების და ანახვეტის გატანაზეა გამოცხადებული. ამ ორ ტენდერში მომსახურების შესყიდვის საერთო ღირებულება 9 952 449 ლარია.
ამ თემაზე:
გონიოს ქუჩებში პირუტყვის მოძრაობა დილის 9-დან საღამოს 7 საათამდე აკრძალულია
