არჩილ ხაბაძე უმაღლეს საბჭოში – სხდომა ერთმა დეპუტატმა დატოვა

17 დეკემბერს აჭარის უმაღლეს საბჭშო მთავრობის თავმჯდომარე, არჩილ ხაბაძე ანგარიშით წარსდგა.

სხდომას არ ესწრებიან ორი ფრაქციის, „თავისუფალი დემოკრატებისა“ და „ქართული ოცნების“ თავმჯდომარეები, სულხან ღლონტი და აკაკი ძნელაძე. როგორც სხდომაზე განმარტეს, სულხან ღლონტი ანგარიშის წარდგენას პროტესტის ნიშნად არ ესწრება, აკაკი ძნელაძე კი თბილისში იმყოფება.

უმაღლესი საბჭოს სხდომაზე დეპუტატმა მედეა ვასაძემ იკითხა, ხდებოდა თუ არა სხდომის ტრანსლირება საზოგადოებრივი მაუწყებლის აჭარის ტელევიზიის ეთერით. სხდომაზე ამ საკითხის გასარკვევად შესვენება ორჯერ გამოცხადდა, მედეა ვასაძემ კი იმის გამო, რომ სხდომა პირდაპირი ეთერით არ გადაიცემა, სხდომათა დარბაზი პროტესტის ნიშნად დატოვა.

არჩილ ხაბაძის ანგარიშის ნაწილი დეპუტატებმა უკვე მოისმინეს.