სიახლეები

გაერთიანებულ ოპოზიციას აჭარის უმაღლეს საბჭოში 7 მანდატი შეხვდება – უსკო

14.11.2020 • 1063
გაერთიანებულ ოპოზიციას აჭარის უმაღლეს საბჭოში 7 მანდატი შეხვდება – უსკო

აჭარის უმაღლესი საარჩევნო კომისიის შემაჯამებელი ოქმის მიხედვით აჭარის უმაღლესი საბჭო ორპარტიული იქნება და გაერთიანებულ ოპოზიციას შვიდი მანდატი შეხვდება.  უსკოს ინფორმაციით გაერთიანებულმა ოპოზიციამ აიღო 61 242 ხმა, რაც შეადგენს ამომრჩეველთა საერთო რაოდებობის 33, 96 პროცენტს , ხოლო „ქართულმა ოცნებამ“ 82 700 ხმა მიიღო,  რაც ამომრჩეველთა საერთო რაოდენობის  45, 86 პროცენტია.

ამ მონაცმების შესაბამისად პროპორციული სიის მიხედვით უმაღლეს საბჭოში მოხვდებიან  ელგუჯა ბაგრატიონი „ერთიანი ნაციონალური მოძრაობიდან“,  რომელიც არის ასევე წინა მოწვევის უმაღლესი საბჭოს წევრი, ის სიაში პირველი ნომერია.

პარტიის ბათუმის ორგანიზაციის თავმჯდომარე გიორგი კირთაძე,  გია აბულაძე – „ერთიანი ნაციონალური მოძრაობიდან“, ისიც წინა მოწვევის უმაღლესი საბჭოს წევრია, შემდეგ მოდის მედეა ვასაძე, როგორც უპარტიო წევრი; ლევან ანთაძე –  უსკოსთვის წარდგენილ სიაში ისიც უპარტიო წევრად არის ჩაწერილი, თუმცა ამავდროულად ლევან ანთაძე ბათუმის საკრებულოს წევრია, „ერთიანი ნაციონალური მოძრაობიდან“, მეექვსე ნომერია ირაკლი ჩავლეიშვილი – „ რესპუბლიკელების“ ერთერთი ლიდერი აჭარაში და მამული სურმანიძე, ასევე „ერთიანი ნაციონალური მოძრაობიდან“.

ოპოზიცია აცხადებს, რომ უმაღლეს საბჭოში შესვლას არ აპირებს: „ შვიდი მანდატი გადმოგვიგდო ბიძინამ, მაგრამ არ ვაპირებთ უმაღლეს საბჭოში შესვლას და არც მეორე ტურში მონაწილეობას“ გვითხრა გიორგი კირთაძემ, რომელიც ამავდროულად გაერთიანებული ოპოზიციის მაჟორიტარობის კანდიდატია ბათუმის სამაჟორიტარო ოლქში.

ოპოზიციური პარტიების ლიდერები აცხდებენ, რომ არჩევნები გაყალბდა, ისინი შედეგებს აქციებით აპროტესტებენ და ხელახალი არჩევნების ჩანიშვნას ითხოვენ, ისინი არ აპირებენ ასევე არჩევნების მეორე ტურში მონაწილეობას.

აჭარის უმაღლეს საბჭოში  2020 წლის 31 ოქტომბრის არჩევნების პირველი ტურის შედეგების შემაჯამებელი ოქმის შედგენა დღეს ოპოზიციამ და მათმა მხარდამჭერებმა აქციით გააპროტესტესტეს.

გადაბეჭდვის წესი


ასევე: