Batumelebi | 20 ათასი ლარი რესპუბლიკურზე საინფორმაციო წარწერის მონტაჟისთვის 20 ათასი ლარი რესპუბლიკურზე საინფორმაციო წარწერის მონტაჟისთვის – Batumelebi
RU | GE  

20 ათასი ლარი რესპუბლიკურზე საინფორმაციო წარწერის მონტაჟისთვის

ბათუმის რესპუბლიკურმა საავადმყოფომ კლინიკის ახალ შენობაზე საინფორმაციო წარწერების დასამონტაჟებლად ტენდერი გამოაცხადა. სატენდერო თანხა 20 ათასი ლარია, რომლითაც შენობაზე 2 წარწერა [საინფორმაციო დაფა] უნდა განთავსდეს.

შენობაზე წარწერები: „გადაუდებელი მიმღები-EMERGENCY“ და „ბათუმის რესპუბლიკური კლინიკური საავადმყოფო BATUMI REPUBLICAN CLINICAL HOSPITAL“, ტენდერში გამარჯვებულთან ხელშეკრულების გაფორმებიდან 2020 წლის 25 დეკემბრამდე უნდა დამონტაჟდეს.

საინფორმაციო დაფებზე უნდა მოეწყოს ელექტროგანათება. შრიფტის ზომები, ფერები, ესკიზი და სხვა დეტალები ტენდერის დოკუმენტებს თან ახლავს.

ფოტომონტაჟი ტენდერიდან

პარალელურად, რესპუბლიკური საავადმყოფო სხვადასხვა აპარატურას, მედიკამენტებს, სამედიცინო მოწყობილობებსა  და ავეჯს გადაუდებელი აუცილებლობით-ტენდერის გარეშე პერიოდულად ყიდულობს.

შენობა, რომლის აღჭურვა დაწყებულიც კი არ იყო, ცხელების ცენტრად, შემდეგ კი კოვიდკლინიკად გადაკეთდა. საწოლების რაოდენობა კი, 178-იდან 212-მდე გაიზარდა.

14 ნოემბრის მონაცემებით, გასული 24 საათის განმავლობაში აჭარაში კოვიდის 603 ახალი შემთხვევა დადასტურდა, გარდაიცვალა 7 პაციენტი.  ამავე პერიოდში აჭარაში გამოჯანმრთელდა 347 პაციენტი.

ამ თემაზე:

ბათუმის რესპუბლიკური სამშობიარო ბლოკისთვის აპარატურას ყიდულობს – ჩეხეთის დახმარება

 

ნეტგაზეთის მასალების სხვა გამოცემებში გადაბეჭდვის წესი
ავტორი
თედო ჯორბენაძე, ჟურნალისტი მობ.: 599 139 412 ელ/ფოსტა: tedobatumi@gmail.com