Batumelebi | კობახიძე საოლქოებთან საპროტესტო აქციებზე: არჩევნები ჩატარდა სათანადოდ კობახიძე საოლქოებთან საპროტესტო აქციებზე: არჩევნები ჩატარდა სათანადოდ – Batumelebi
RU | GE  

კობახიძე საოლქოებთან საპროტესტო აქციებზე: არჩევნები ჩატარდა სათანადოდ

„ამ პოლიტიკური სუბიექტების რეალური მიზანი არ არის რაიმეს დაზუსტება, პირიქით, მათ ეშინიათ დაზუსტების… გამოვა ისე, რომ რასაც ისინი აპროტესტებდნენ, ეს იყო სრული ფარსი,“ – აღნიშნა ახლახან [21:20 საათი] მოწყობილ ბრიფინგზე „ქართული ოცნების“ ერთ-ერთმა ლიდერმა, ირაკლი კობახიძემ. ის საოლქო-საარჩევნო კომისიების წინ ამ წუთებში მიმდინარე საპროტესტო აქციებს გამოეხმაურა და დასძინა, რომ „რეალურად არჩევნები ჩატარდა სათანადოდ“.

ირაკლი კობახიძე ასევე თვლის, რომ უპრეცედენტო მოვლენასთან გვაქვს საქმე საქართველოს საარჩევნო ისტორიაში, რადგან საარჩევნო კომისიები ხმებს ხელახლა ითვლიან, თუმცა ამ დრომდე საოლქო კომისიებს არ უთქვამთ, რომ ხმებს ხელახლა დათვლიან.

საუბნო კომისიებში დაწერილი ასობით საჩივარს და შეცდომებით შედგენილ შემაჯამებელ ოქმებს ირაკლი კობახიძე მხოლოდ ხარვეზს უწოდებს.

„თუ არსებობს რამე ხარვეზი, ეს ხარვეზი უნდა დაზუსტდეს,“ – აღნიშნა ირაკლი კობახიძემ ჟურნალისტებთან.

___

ამავე თემაზე: საპროტესტო აქცია ბათუმში

„მონებო“ – საპროტესტო აქცია ბათუმში, საარჩევნო ოლქთან [LIVE]

ნეტგაზეთის მასალების სხვა გამოცემებში გადაბეჭდვის წესი
ავტორი