საქართველოს განათლების სამინისტროს განცხადებით, მინისტრი მიხეილ ჩხენკელი თვითიზოლაციაში იმყოფება.
სამინისტროს ინფორმაციით, კორონავირუსი მიხეილ ჩხენკელის ოჯახის წევრს დაუდასტურდა.
„მინისტრს აღენიშნება კოვიდ19-სთვის დამახასიათებელი სიმპტომები,“ – აცხადებენ სამინისტროში.
კორონავირუსი აქვთ ასევე საქართველოს პრემიერ-მინისტრს გიორგი გახარიას და მთავრობის ადმინისტრაციის ხელმძღვანელს, ნათია მეზვრიშვილს. თვითიზოლაციაშია გადასული მთავრობის რამდენიმე წევრიც.
