თურქეთში, ქალაქ იზმირში, მიწისძვრის შედეგად დანგრეული სახლის ნანგრევებიდან მაშველებმა ძაღლი ამოიყვანეს.
ძაღლი, სახელად „არესი“ 65 საათის განმავლობაში იმყოფებოდა ნანგრევებში.
სააგენტო „ანადოლუ“ წერს, რომ ძაღლი მკურნალობის შემდეგ პატრონს დაუბრუნდება.
6,6 სიმძლავრის მიწისძვრა იზმირში 30 ოქტომბერს მოხდა. მიწისძვრის შედეგად ჩამოინგრა საცხოვრებელი კორპუსები. ბოლო მონაცემებით მიწისძვრის შედეგად 83 ადამიანი დაიღუპა.
ასზე მეტი ადამიანის გადარჩენა შეძლეს მაშველებმა იზმირში. 106-ე, ვინც ნანგრევებიდან ცოცხალი ამოიყვანეს, 3 წლის ბავშვია.
ფოტო: „ანადოლუ“
ამავე თემაზე:
ნანგრევებიდან 3 წლის ბავშვი 65 საათის შემდეგ ამოიყვანეს – მიწისძვრა იზმირში
