Batumelebi | ნანგრევებიდან 3 წლის ბავშვი 65 საათის შემდეგ ამოიყვანეს – მიწისძვრა იზმირში ნანგრევებიდან 3 წლის ბავშვი 65 საათის შემდეგ ამოიყვანეს – მიწისძვრა იზმირში – Batumelebi
RU | GE  

ნანგრევებიდან 3 წლის ბავშვი 65 საათის შემდეგ ამოიყვანეს – მიწისძვრა იზმირში

თურქეთში, ქალაქ იზმირში, სამი წლის ბავშვი ამოიყვანეს მიწისძვრის შედეგად დანგრეული სახლის ნანგრევებიდან 65 საათის შემდეგ.

3 წლის გოგონა, სახელად ელიფი, უკვე საავადმყოფოშია.

სააგენტო „ანადოლუ“ წერს, რომ ბავშვი ქალაქის 106-ე მცხოვრებია, რომელიც მაშველებმა ნანგრევიდან ამოიყვანეს და გადაარჩინეს.

ბოლო მონაცემებით, თურქეთში, ქალაქ იზმირში მომხდარი ძლიერი მიწისძვრის შედეგად 83 ადამიანია დაღუპული.

6,6 სიმძლავრის მიწისძვრა იზმირში 30 ოქტომბერს მოხდა. მიწისძვრის შედეგად ჩამოინგრა საცხოვრებელი კორპუსები.

_____________

ფოტო: „ანადოლუ“

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com