Batumelebi | ანზორ ბოლქვაძე 46%, მიშა ბოლქვაძე 32% – მთიან აჭარაში არჩევნების მეორე ტური იქნება ანზორ ბოლქვაძე 46%, მიშა ბოლქვაძე 32% – მთიან აჭარაში არჩევნების მეორე ტური იქნება – Batumelebi
RU | GE  

ანზორ ბოლქვაძე 46%, მიშა ბოლქვაძე 32% – მთიან აჭარაში არჩევნების მეორე ტური იქნება

ცესკოს მონაცემებით, ხელვაჩაურის, ქედის, შუახევისა და ხულოს #30 მაჟორიტარულ ოლქში დათვლილია ყველა უბანი. წინასწარი მონაცემებით, „ოცნების“ კანდიდატი ანზორ ბოლქვაძე პირველი ტურის შედეგად ვერ გახდება საქართველოს პარლამენტარი და გაიმართება მეორე ტური.

ანზორ ბოლქვაძის კონკურენტი ამ ოლქში მიშა ბოლქვაძეა „ერთიანი ნაციონალური მოძრაობიდან“.

მთავარ კონკურენტებს შორის ხმები ასე გადანაწილდა:

  • ანზორ ბოლქვაძე, „ქართული ოცნება“ – 46,26%
  • მიშა ბოლქვაძე, „ნაციონალური მოძრაობა“ – 32,5% 

მაჟორიტარ კანდიდატს გამარჯვებისთვის სჭირდება მიცემულ ხმათა ნახევარზე მეტი – 50 პროცენტს პლუს თუნდაც ერთი ხმა. ამ შემთხვევაში არც ერთ კანდიდატს არ აქვს მიღებული ამომრჩეველთა ხმების ნახევარზე მეტი, რაც იმას ნიშნავს, რომ არჩევნების მეორე ტური გაიმართება, სადაც ამომრჩეველს მხოლოდ ამ ორ კანდიდატს შორის მოუწევს არჩევანის გაკეთება.

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com