Batumelebi | შეცვლილი მითი ქალთა მოძრაობის მხარდასაჭერად და მედუზა გორგონას ახალი ქანდაკება შეცვლილი მითი ქალთა მოძრაობის მხარდასაჭერად და მედუზა გორგონას ახალი ქანდაკება – Batumelebi
RU | GE  

შეცვლილი მითი ქალთა მოძრაობის მხარდასაჭერად და მედუზა გორგონას ახალი ქანდაკება

ნიუ იორკში, მანჰეტენის საქალაქო სასამართლოს წინ მედუზა გორგონას ქანდაკება დადგეს. უფლებადამცველების ნაწილი თვლის, რომ ეს ქანდაკება სამართლიანობის ერთგვარი სიმბოლო გახდება. ქანდაკება მოძრაობა #metoo-ს მიეძღვნა და უყურებს საქალაქო სასამართლოს შენობას.

ბერძნული მითოლოგიის მიხედვით, მედუზა გორგონა პოსეიდონმა გააუპატიურა, თუმცა პოსეიდონის ნაცვლად ქალი დასაჯეს – გორგონა ურჩხულად იქცა.

ქანდაკების ახალი ვერსია იტალიერმა ხელოვანმა ლუჩანო გარბატიმ შექმნა – მედუზა გორგონას სიმბოლურად მოძალადე კაცის თავი უჭირავს ხელში.

„…ეს ადგილი შემთხვევითი არ არის, რადგან აქ ისინი განიხილავენ ქალთა მიმართ ძალადობასთან დაკავშირებულ დანაშაულებს. ეს ქანდაკება მრავალი ქალის სამართლიანობის სიმბოლო გახდება,“ – ამბობს მოქანდაკე ლუჩანო გარბატი.

პროექტის მხარდამჭერია ფონდი „ღია საზოგადოება“. ქანდაკება 6 თვის განმავლობაში დარჩება ამ ადგილას.

ფოტო: lucianogarbati.com

ფოტო: lucianogarbati.com

_______________

მთავარი ფოტო: მედუზა გორგონას ქანდაკება ნიუ-იორკში, GrlzWave – ის ფოტო.

 

ნეტგაზეთის მასალების სხვა გამოცემებში გადაბეჭდვის წესი
ავტორი