Batumelebi | ბერლინში რესტორნის მფლობელებმა შეზღუდვა გააპროტესტეს და სასამართლო მოიგეს ბერლინში რესტორნის მფლობელებმა შეზღუდვა გააპროტესტეს და სასამართლო მოიგეს – Batumelebi
RU | GE  

ბერლინში რესტორნის მფლობელებმა შეზღუდვა გააპროტესტეს და სასამართლო მოიგეს

ბერლინის ადმინისტრაციულმა სასამართლომ  უკანონოდ ცნო ბერლინის სენატის მიერ დაწესებული შეზღუდვა, რომელიც აიძულებდა ბერლინში რესტორნის მფლობელებს დაეკეტათ დაწესებულებები საღამოს 11 საათიდან დილის 6 საათამდე – იუწყება „ევრონიუსი“.

კორონავირუსის მორიგი ეპიდაფეთქების შესაჩერებლად დაწესებული ეს შეზღუდვა ბერლინში რესტორნების მფლობელებმა გააპროტესტეს.

სასამართლომ დაასკვნა, რომ აღნიშნული შეზღუდვა გაუმართლებელი იყო, რადგან რესტორნები ითვალისწინებენ სანიტარულ-ჰიგიენურ ნორმებს და მათ არ აქვთ მნიშვნელოვანი როლი ინფექციის გავრცელებაში.

სასამართლოში რესტორნების მფლობელების ადვოკატებმა განაცხადეს, რომ რესტორნების დაკეტვას ექნება უკუშედეგი, რადგან ახალგაზრდები შეიკრიბებიან იმ ადგილებში, სადაც ეპიდემიოლოგიურ მოთხოვნებს არავინ იცავს.

სასამართლოს გადაწყვეტილება ჯერ არ შესულა ძალაში, რადგან შესაძლოა გასაჩივრებულ იქნას სააპელაციო ინსტანციაში.

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com