ბათუმის მერიის მიერ საკრებულოში შეტანილი პროექტის მიხედვით, ქალაქში რამდენიმე სამარშრუტო მიკროავტობუსის გადაადგილების მარშრუტი იცვლება. საკრებულოს მიერ საკითხის დამტკიცების შემთხვევაში მიკროავტობუსები ახალი მარშრუტით 2020 წლის 1-ლი დეკემბრიდან ივლიან. საკრებულოს სხდომა 16 ოქტომბერსაა ჩანიშნული.
სამარშრუტო ხაზებში ცვლილებები იმ ახალ სქემას უკავშირდება, რომლითაც ტრანსპორტის მოძრაობა ქალაქის რამდენიმე ქუჩის ზოგიერთ მონაკვეთში იცვლება. ახალი სქემის ამოქმედება 15 ოქტომბრიდან იყო დაგეგმილი, თუმცა ამ ვადამ გადაიწია [როგორც ჩანს, 1-ელ დეკემბრამდე].
ახალი სქემით ცალმხრივი გახდება გორგილაძის, ჭავჭავაძის, გრიბოედოვისა და პუშკინის ქუჩების გარკვეული მონაკვეთები, ხოლო მოძრაობის მიმართულება საპირისპიროდ შეიცვლება გორგასლის ქუჩის ნაწილზე.
ეპიდემიის გამო ბათუმში ამ დროისთვის საზოგადოებრივი ტრანსპორტი არ მოძრაობს. ტრანსპორტის მოძრაობის აღდგენა 19 ოქტომბრიდან იგეგმება. ამის შესახებ საქართველოს პრემიერ-მინისტრმა განაცხადა:
მერიის პროექტის მიხედვით, მოძრაობის მარშრუტის ცვლილება არაერთ სამარშრუტო ხაზს შეეხება. მაგალითად:
N20 სამარშრუტო მიკროავტობუსი, რომელიც თამარ მეფის გამზირიდან ე.წ. „ხოფის“ ბაზრობისკენ ჭავჭავაძის ქუჩით მოძრაობს, ის „ხოფადან“ უკან მიმართულებით – ჭავჭავაძის ქუჩის ნაცვლად გაივლის გორგასლის ქუჩას;
N23 სამარშრუტო მიკროავტობუსი კი, რომელიც ავტოსადგურ „მეტროდან” მოძრაობს „ხოფისკენ“, ის ბაზრობიდან გამოსული აბუსერიძის ქუჩიდან ჭავჭავაძის ქუჩაზე ვეღარ გავა, არამედ, ჩაუხვევს გრიბოედოვის ქუჩაზე, შემდეგ გააგრძელებს სვლას პუშკინის ქუჩაზე და 26 მაისის ქუჩით გადავა ისევ ჭავჭავაძის ქუჩაზე და ა.შ.
როგორ იმოძრავებენ სამარშრუტო მიკროავტობუსები ახალი სქემის ამოქმედების შემდეგ ბათუმში – დეტალურად იხილეთ ცხრილი:
![კიდევ ორი ცათამბჯენი – როგორ შეიცვლება ბათუმის ცენტრალური პარკის მიმდებარე ტერიტორია [ფოტო]](https://batumelebi.netgazeti.ge/wp-content/uploads/2024/03/orbi-rustavelis-kucha.jpg)
