Batumelebi | ჯუმბერ ვარდმანიძემ კაბინეტი დატოვა და წავიდა – პროტესტი ხელვაჩაურის მერიასთან ჯუმბერ ვარდმანიძემ კაბინეტი დატოვა და წავიდა – პროტესტი ხელვაჩაურის მერიასთან – Batumelebi
RU | GE  

ჯუმბერ ვარდმანიძემ კაბინეტი დატოვა და წავიდა – პროტესტი ხელვაჩაურის მერიასთან

ხელვაჩაურის მერიაში დღეს, 15 ოქტომბრის დილიდან, აქციას მართავენ სოფელ ჯოჭოში მეწყრის შედეგად დაღუპული ოჯახის წევრები.

ხელვაჩაურის მერი ჯუმბერ ვარდმანიძე ერთი საათის განმავლობაში იჯდა კაბინეტში, მასთან ერთად იმყოფებოდნენ ჯოჭოში მეწყრის შედეგად დაღუპულთა ოჯახის წევრები. ისინი მოითხოვდნენ ჯუმბერ ვარდმანიძის გადადგომას და მისი პასუხისმგებლობის საკითხის დაყენებას.

აქციის მონაწილეები მიიჩნევენ, რომ ჯუმბერ ვარდმანიძემ პასუხი უნდა აგოს ჯოჭოს ტრაგედიაზე, რადგან არ გაითვალისწინა მოსახლეობის მიმართვა. აქციის მონაწილეები ასევე აყენებენ გეოლოგების პასუხისმგებლობის საკითხს, რომლებმაც არ მიიჩნიეს ეს ადგილი საცხოვრებლად საშიშად.

„ან დაწერთ განცხადებას და გადადგებით, ან აგიჭედავთ კაბინეტს და აქედან გაგიყვანთ,“ –  მიმართავდნენ მერს აქციის მონაწილეები.

დაახლოებით ერთი საათის შემდეგ ვარდმანიძემ კაბინეტი დატოვა და შეეცადა ავტომანქანით დაეტოვებინა მერიის მიმდებარე ტერიტორია, თუმცა მას ამის საშუალებას დაღუპული ოჯახის ახლობლები არ აძლევდნენ.

ხელვაჩაურის მერმა საბოლოოდ შეძლო ავტომანქანით ტერიტორიის დატოვება.

აქციის მონაწილეები არ აძლევენ ხელვაჩაურის მერს მანქანაში ჩაჯდომის და  წასვლის საშუალებას

ამავე თემაზე:

ჯოჭოში მეწყრით დაღუპული ოჯახის წევრები ხელვაჩაურის მერის გადადგომას ითხოვენ [LIVE]

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com