Batumelebi | ბათუმში 55 წლის კაცი გარდაიცვალა კორონავირუსით ბათუმში 55 წლის კაცი გარდაიცვალა კორონავირუსით – Batumelebi
RU | GE  

ბათუმში 55 წლის კაცი გარდაიცვალა კორონავირუსით

აჭარაში კიდევ ერთი პაციენტი გარდაიცვალა კოვიდით. გარდაცვლილი 55 წლის კაცია, რომელიც ჯანმრთელობის ცენტრ “მედინაში” სასწრაფო დახმარების ბრიგადამ მიიყვანა.

„სუნთქვის მწვავე უკმარისობა, გულის ქრონიკული უკმარისობა. კლინიკაში შეყვანისას პაციენტის ზოგადი მდგომარეობა იყო კრიტიკული, აღენიშნებოდა სუნთქვის მწვავე უკმარისობა, ორმხრივი ბრონქოპნევმონია, რესპირაციული დისტრეს სინდრომი. კლინიკის მიერ გატარდა ყველა საჭირო ღონისძიება, პაციენტი მოთავსდა იზოლირებულად და გადაყვანილი იქნა მართვით სუნთქვაზე. აღებული იქნა ნიმუში PCR კვლევისთვის, დადასტურდა COVID -19. კლინიკაში გატარდა ყველა შესაბამისი ღონისძიება, მკურნალობა წარიმართა გაიდლაინის შესაბამისად, თუმცა პაციენტის გადარჩენა ვერ მოხერხდა“, – აღნიშნულია დიაგნოზში.

12 ოქტომბრის [13:30 სთ] მონაცემებით, კორონავირუსის პანდემიის დაწყებიდან დღემდე საქართველოში კოვიდით გარდაიცვალა 92 პაციენტი.

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com