11 ოქტომბრის მონაცემებით, ბათუმის რესპუბლიკურ საავადმყოფოში ორი პაციენტი გარდაიცვალა კორონავირუსით გასული 24 საათის განმავლობაში, ხოლო ქობულეთში – 1, ამავე დიაგნოზით.
გარდაიცვალა 68 წლის კაცი, რომელიც რესპუბლიკურ საავადმყოფოში 27 სექტემბერს შეიყვანეს. „დიაგნოზი: COVID -19, სუნთქვის მწვავე უკმარისობა, თირკმლის მწვავე უკმარისობა. თანმხლები დაავადებები: გულის ქრონიკული უკმარისობ, გულის იშემიური დაავადება, არტერიული ჰიპერტენზია, წინაგულთა ფიბრილაცია. კლინიკაში გატარდა ყველა შესაბამისი ღონისძიება, თუმცა მისი გადარჩენა ვერ მოხერხდა“ – აღნიშნულია დიაგნოზში.
ასევე, რესპუბლიკურ საავადმყოფოში გარდაიცვალა 51 წლის კაცი. „COVID -19, ორმხრივი პნევმონია, ჰიდროთორაქსი. თანმხმლები დაავადებები: არტერიული ჰიპერტენზია, მიტრალური სარქვლის კრიტიკული და აორტის სარქვლის პირველი ხარისხის ნაკლოვანება, მიოკარდიუმის გადატანილი ინფარქტი, გულის ქრონიკული უკმარისობა, გულის იშემიური დაავადება“ – აღნიშნულია დიაგნოზში.
ასევე, გასული 24 საათის განმავლობაში აჭარაში, ქობულეთში გარდაიცვალა 67 წლის ქალი კორონავირუსით. მას აღენიშნებოდა ორმხრივი პნევმონია, ასევე, შაქრიანი დიაბეტი და გულის ქორნიკული უკმარისობა.
ბოლო 24 სააში აჭარაში კორონავირუსის 172 ახალი შემთხვევა დადასტურდა.
