Batumelebi | საქართველოში დღეს მეოთხე ადამიანი გარდაიცვალა კორონავირუსით საქართველოში დღეს მეოთხე ადამიანი გარდაიცვალა კორონავირუსით – Batumelebi
RU | GE  

საქართველოში დღეს მეოთხე ადამიანი გარდაიცვალა კორონავირუსით

საქართველოში კიდევ ორი პაციენტი გარდაიცვალა კორონავირუსით. ამის შესახებ ინფორმაცია stopcov.ge-ზე გამოქვეყნდა.

ბოლო 24 საათში კორონავირუსით პაციენტის გარდაცვალების ეს უკვე მეოთხე შემთხვევაა. გუშინ ბათუმის რესპუბლიკურ საავადმყოფოში კორონავირუსით გარდაიცვალა 55 წლის ქალი, დღეს ცნობილი გახდა საჩხერის სამედიცინო ცენტრში 65 წლის კაცის გარდაცვალების შესახებ. ბოლო ორი გარდაცვილის შესახებ ინფორმაცია ჯერჯერობით არ არის ცნობილი.

29 სექტემბრის 18:55 საათის მონაცემებით საქართველოში 36 ადამიანი გარდაიცვალა კორონავირუსით.

დღეს საქართველოში კორონავირუსის 314 ახალი შემთხვევა დადასტურდა. ეს ქვეყანაში 24 საათში გამოვლენილი ახალი შემთხვევების რეკორდული რაოდენობაა. ახალი შემთხვევებიდან ყველაზე მეტი, 225 შემთხვევა, აჭარაში გამოვლინდა. სექტემბრის დასაწყისიდან დღემდე აჭარა ქვეყანაში კოვიდაფეთქების ეპიცენტრია.

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com