ბათუმში კორონავირუსით ინფიცირებული პაციენტი გარდაიცვალა. გარდაცვლილია კაცი, რომელიც ბათუმის რესპუბლიკურ საავადმყოფოში 17 სექტემბრიდან მკურნალობდა.
„გარდაცვალების მაჩვენებელი ჩვენ გვაქვს 0.57%, გვქონდა დღეს დილისთვის 25, სამწუხაროდ, დაგვემატა ერთი ბათუმში. სულ 26 პაციენტია გარდაცვლილი. ბოლო 48 საათის განმავლობაში 5 პაციენტი დაიღუპა, ყველა მათგანი იყო უმძიმესი პაციენტი, რომლებიც იმყოფებოდნენ ხელოვნურ ვენტილაციაზე,“ – განაცხადა დაავადებათა კონტროლის ეროვნული ცენტრის ხელმძღვანელმა ამირან გამყრელიძემ.
24 სექტემბრის მონაცემებით საქართველოში კორონავირუსით სულ 26 პაციენტია გარდაცვლილი.